ހައްޖުގައި ބައިވެރިވާ ގައުމުތަކުގެ ވެރިންނާއި ސައުދީ ރަސްގެފާނު ދެއްވާ ދައުވަތަށް ހައްޖަަށްދާ ފަރާތްތަކާއި ދައުވަތަށް ހައްޖަށް ނޫސްވެރިންނަށް ސައުދީ ރަސްގެފާނު ކޮންމެ އަހަރެއްގެވެސް މެންދުރުގެ ކެއުމެއް ދެއްވައެވެ.
އަރަބިއްޔާގެ ރަސްގެފާނު އަދި މާތްވެގެންވާ ދެހަރަމްފުޅުގެ ހާދިމް ސަލްމާން ބިން އަބްދުލް ޢަޒީޒް ދެއްވި މިއަހަރުގެ ފަރިއްކޮޅުގައި އެމަނިކުފާނުގެ ފަރާތްޕުޅުން ބައިވެރިވެވަޑައިގަތީ ވަލީއަހުދު މުހައްމަދު ބިން ސަލްމާންއެވެ. މި ފަރިއްކޮޅުގައި ވަލީ އަހްދުގެ އެންމެ އަރިހުގައި އިންނެވީ ރާއްޖޭގެ ރައީސް ޑރ. މުހައްމަދު މުއިއްޒުއެވެ.
ސައުދީ ރަސްގެފާނުގެ ދެއްވި ފަރިއްކޮޅުގެ ތެރެއިން
ސައުދީ ރަސްގެފާނުގެ ދެއްވާ ފަރިއްކޮޅު އާއްމު ގޮތެއްގައި ބާއްވަމުން އަންނަނީ މިނާގައި ހުންނަ ރަސްގެފާނުގެ ގަނޑުވަރުގައެވެ. ސައުދީ ރަސްގެފާނު ދެއްވާ ދައުވަތަށް ކޮންމެ އަހަރަކުވެެސް އިސްލާމީ ގައުމުތަކުގެ ވެރިންނާއި ނޫސްވެރިން މައްކާއަށް ޒިޔާރަތްކުރެއެވެ. މި ފަރާތްތަކަށް ހައްޖުގެ ހުރިހާ ހަރަދެއް ހަމަޖައްސާދޭނީ ސައުދީ ސަރުކާރުންނެވެ. އަދި މި ފަރާތްތަކުން ހައްޖުގެ އަޅުކަން އަދާކުރާނީ އެހެން މުސްލިމުންނާއި ތަފާތުކޮށް ފަސްޓް ކްލާސް ފެންވަރުގައެވެ.
