ބަރަކާތްތެރި ބޮޑު އީދުގެ އުފަލުގައި، ގައުމީ ދިފާއީ ބާރުންވެސް އަންނަނީ ގިނަ ހަރަކާތްތަކެއް ބާއްވަމުންނެވެ. އެގޮތުން އީދު ދުވަހު މާލޭގައި ބޭއްވި އާއިލީ ހަވީރުގައިވެސް އެމްއެންޑީއެފުން ވަނީ ބައިވެރިވެފައެވެ.
ގައުމީ ދިފާއީ ބާރުން ބުނީ އެމްއެންޑީއެފް ބޭންޑުގެ ހާއްސަ ހަރަކާތްތަކެއް މިރޭ ހުޅުމާލޭ ސެންޓަރަލް ޕާކުގައި އޮންނާނެކަމަށެވެ. އެގޮތުން މި ހަރަކާތް އޮންނާނީ މިރޭ 21:00އިން 22:00 އަށް އެމްއެންޑީއެފުން ބުނެއެވެ.
އީދު ދުވަހު މާލޭގައި ބޭއްވި ކުޑަކުދިންގެ ހަވީރުގެ ތެރެއިން
އީދު ދުވަހު ހަވީރު، ސަލްޓަން ޕާކު، ޝަހީދުންގެ ބިނާ ސަރަހައްދު، ޖުމްހޫރީ މައިދާން އަދި ހުޅުމާލެ ސެންޓްރަލް ޕާކާއި ހިޔާ ފްލެޓް ސަރަހައްދުގައި ކުރިޔަށް ދިޔަ އާއިލީ ހަވީރުގައި އެމްއެންޑީއެފުން ކުރިއަށް ގެންދިޔަ ހަރަކާތްތައް ވަނީ ބޮޑު ތަރުހީބެއް ލިބިފައެވެ. އެމްއެންޑީއެފްގެ ހަރަކާތްތައް އަމާޒުކޮށްފައިވަނީ އަމާޒުކޮށްފައިވަނީ ކުޑަކުދީންނަށެވެ.
ސިފައިންގެ އެކި ދާއިރާތަކުން ބައިވެރިވެގެން ކުރިއަށް ގެންދިޔަ އެ ހަރަކާތްތަކުގެ ތެރޭގައި އެމްއެންޑީއެފް ކޯސްޓްގާޑު އަދި ފަޔާ އެންޑް ރެސްކިޔު ސާވިސްގެ އުޅަނދު ފަހަރުތަކަށް އަރައި އެ އުޅަނދުތަކުގައި ފޮޓޯ ނެގުމާއި، އެމްއެންޑީއެފް ކޯސްޓްގާޑުން ބޭނުންކުރާ ކުދި ރިބްސްތަކަށް އަރައި ދުއްވާލުމުގެ ފުރުސަތާއި، އެމްއެންޑީއެފް މާލެ އޭރިއާ ކޮމާންޑުން ކުރިޔަށްގެންދިޔަ އޮބްސްޓިކަލް ބެލްޓުގެ ހަރަކާތްތަކާއި، ރެޕެލިން ޓަވަރަށް އަރައި ފޭބުމުގެ ހަރަކާތްތައް ހިމެނެއެވެ.
