ހައްޖު ކޯޕަރޭޝަންގެ ނަމުގައި އޮޅުވާލައިގެން ފައިސާ ހޯދަން ފޮނުވާ މެސެޖު
ހައްޖު ކޯޕަރޭޝަންގެ ނަމުގައި އޮޅުވާލައިގެން ފައިސާ ހޯދަނީ
މުހައްމަދު އާދަމް އަހްމަދު
13 ޖޫން 2025 - 14:22:18
ހައްޖު ކޯޕަރޭޝަންގެ ނަމުގައި ފޭކު މެސެޖުތައް ފޮނުވައިގެން އޮޅުވާލައިގެން ފައިސާ ހޯދާތަޯ ސަމާލުވާން އެ ކޯޕަރޭޝަނުން އިލްތިމާސްކޮށްފިއެވެ.
Advertisement
ހައްޖު ކޯޕަރޭޝަނުން ނެރުނު ބަޔާނެއްގައި ބުނީ އެ ކޯޕަރޭޝަންގެ ނަމުގައި ފައިސާ ހޯދުމަށް ފޯނަށް ލިންކު ހިމެނޭ މެސެޖުތަކެއް ފޮނުވަމުންދާކަމުގެ މައުލޫމާތު ލިބިފައިވާ ކަމަށެވެ.
ހައްޖު ކޯޕަރޭޝަންގެ ނަމުގައި ފޮނުވާ މެސެޖުގައި ވަނީ، 'އެމްއެޗްސީއެލް'ގެ ނަމުގައި ހިދުމަތަކަށް ފައިސާ ދެއްކުމަށް އެދިފައެވެ. އަދި، އެ މެސެޖުގައި ލިންކެއްވަނީ ހިމަނާފައެވެ.
" މި ކޯޕަރޭޝަންގެ ފަރާތުން އެއްވެސް ފަރާތަކަށް ގުޅައި މެސެޖުކޮށް އެއްވެސް އަމިއްލަ ފަރާތެއްގެ އެކައުންޓަށް ފައިސާ ޖަމާކުރަން ނާންގާނެ." ހައްޖު ކޯޕަރޭޝަނުން ނެރުނު ބަޔާނުގައިވެއެވެ.
ހައްޖު ކޯޕަރޭޝަނުން ބުނީ، އެ ކޯޕަރޭޝަނުން ދޭ ދުމަތަކަށް ފައިސާ ޖަމާކުރުމަށް އަންގާނީ ކޯޕަރޭޝަންގެ ނަމުގައި ހެދިފައިވާ ރަސްމީ ބޭންކު އެކައުންޓުތަކަށްކަމަށެވެ.
އީދު ބަންދުގައި އެކަނިވެސް ސްކޭމްގެ 35 މައްސަލަ ފުލުހުންނަށް ވަނީ ހުށައަޅާފައެވެ. އެ ހަފުތާގައި އެކަނި ތިން ލައްކައެއްހާ ރުފިޔާ ގެއްލުނު ކަމަށް ފުލުހުންގެ އެންޓި ސްކޭމް ސެންޓަރުގެ ތަފާސްހިސާބުތަކުން ވަނީ ދައްކާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
