މި އަހަރުވެސް ރައްޖެއިން ވަނީ 1000 މީހުން ހައްޖުގެ އަޅުކަމުގައި ބައިވެރިވެފައެވެ.
މިއަހަރު ހައްޖަށް ފިޔަ ފަހު ގުރޫޕް ރާއްޖެ އައިސްފައިވަނީ ރޭގައެވެ. އެއާއި އެކު މިއަހަރު ރާއްޖެެއިން ހައްޖަށް ދިޔަ އެންމެން އައިސް ނިމުނީއެވެ. މިއަހަރު ދިވެހިން ހައްޖަށް ގެންގޮސްފައިވަނީ ސައުދީ އެއާއިންނާއި ގައުމީ އެއާލައިން މޯލްޑިވިއަންގެ ފްލައިޓްތަކުގައެވެ.
މި އަހަރު ހައްޖަށް ދިޔަ ހައްޖާޖީއަކު ރާއްޖެ އައުމުން އާއިލާއިން މަރުހަބާ ކިޔަނީ
މި އަހަރުގެ ހައްޖުގެ އަޅުކަމަށް ދިޔަ މީހުންނަށް މައްކާ ރޫޓް އިނިޝިއޭޓިވްގެ ލުއިފަސޭހަކަން ލިބިފައިވާއިރު މިނާގައި ހައްޖާޖީން ތިބި ފޭލިގެތަކުގެ ފެންވަރު ވެސް ވަނީ ރަނގަޅުކޮށްފަ އެވެ.
އެހެންނަމަވެސް މިއަހަރު ދިވެހިން ހައްޖުގައި ސައުދީގައި ހޭދަކުރި މުއްދަތު ކުރުކޮށްފައިވާކަމަށް ބުނެ ގިނަ ބަޔަކުވާނީ ހައްޖު ކޯޕަރޭޝަނަށް ފާޑު ކިޔާފައެވެ. ކުރިން ދިވެހިން ހައްޖު މޫސުމުގައި ސައުދީގައި 25 ނުވަތަ 27 ވަރަކަށް ދުވަސް ހޭދަކުރެއެވެ.
މި ފަހަރު ދިވެހި ހައްޖުވެރިން ސައޫދީގައި ހޭދަކުރި މުއްދަތު:
- ފުރަތަމަ ފްލައިޓުގައި ދިޔަ މީހުން : 19 ދުވަސް
- ދެވަނަ ފްލައިޓުގައި ދިޔަ މީހުން: 19 ދުވަސް
- ތިންވަނަ ފްލައިޓުގައި ދިޔަ މީހުން: 20 ދުވަސް
- ހަތަރުވަނަ ފްލައިޓުގައި ދިޔަ މީހުން: 18 ދުވަސް
މި އަހަރު ހައްޖަށް ދިޔަ ހައްޖާޖީއަކު ރާއްޖެ އައުމުން އާއިލާއިން މަރުހަބާ ކިޔަނީ
ސަރުކާރުގެ 100 ޕަސެންޓް ހިއްސާ އޮންނަ ހައްޖު ކޯޕަރޭޝަނުން ހައްޖު ދަތުރަކަށް މީހަކަށް ނަގަނީ 69,965 ރުފިޔާއެވެ.
