ހުޅުމާލޭގައި އެޅީ 4000 ފެލެޓްގެ ކޮޓަރިއެއް
ގެދޮރުވެރިޔާ ސްކީމްގެ ފެލްޓުތައް އަންނަ މަހު ހަވާލުކުރަން ފަށަނީ
މުހައްމަދު އާދަމް އަހްމަދު
19 ޖޫން 2025 - 21:39:26
ގެދޮރުވެރިޔާ ސްކީމްގެ ދަށުން ސަރުކާރުން ހުޅުމާލެ 2 ގައި އިމާރާތް ކުރަމުން އަންނަ ފްލެޓުތައް އަންނަ މަހުން ފަށައިގެން ފްލެޓްތައް ހައްގުވެރިންނަށް ދޫކުރަން ފަށާނެ ކަމަށް ހައުސިން މިނިސްޓަރު ޑރ. އަބްދު ﷲ މުއްތަލިބް މިއަދު ވިދާޅުވެއްޖެއެވެ.
Advertisement
ރައީސް ޑރ. މުހައްމަދު މުއިއްޒު މިއަދު ވަނީ ހުޅުމާލެއަށް ވަޑައިގެން 4000 ފްލެޓްގެ މަސައްކަތް ހިނގަމުންދާ ގޮތް ބައްލަވާލައްވަފައެވެ.
މި ޒިޔާރަތަށްފަހު ފަހު ދައުލަތުގެ މީޑިއާ، ޕީއެސްއެމަށް ދެއްވި އިންޓަވިއުއެއްގައި މުއްތަލިބް ވިދާޅުވީ، އެ ފްލެޓުތަކުގެ މަސައްކަތް ނިންމެމުން ދާ ވަރަކަށް އެ ތަންތަން ދޫކުރުމުގެ މަސައްކަތް އަންނަ މަހު ފަށާނެ ކަމަށެވެ.
އަދި ފްލެޓްތަކުގެ މަސައްކަތް ނިމެމުން އަންނަ ވަރަކުން، ފްލެޓްތައް ލިބުނު މީހުންނާ އެކު އެއްބަސްވުން ހަދަން ފަށާނެ ކަމަށްވެސް މިނިސްޓަރު މުއްތަލިބް ވިދާޅުވިއެވެ.
" މިއީ، އެއްފަހަރާ ކުރިއަށް ގެންދެވޭ ކަމަކަށް ވުރެ ބޮޑު މަސައްކަތެއް، ނިމެމުންދާ ވަރަކަށް ހަވާލުކުރަމުން ގެންދެވޭނީ. އިރާދަކުރެއްވިއްޔާ އަޅުގަނޑުމެން އުއްމީދު ކުރަނީ މިހާރު މަސައްކަތް ގޮސްފައިވާ ހިސާބަށް ބަލާއިރު ސެޕްޓެމްބަރު މަހުގެ ނިޔަލަށް، 4،000 ފްލެޓް ލިބުނު މީހުންނާ އެ ފްލެޓްތައް ހަވާލުކޮށް އެ ތަންތަނުގައި އެ ބޭފުޅުން ދިރިއުޅެން ފެށޭނެ ކަމަށް،" މުއްތަލިބް ވިދާޅުވިއެވެ.
ކުރީގެ ސްކީމުން ފްލެޓް ލިބުނު މީހަކު ހުރި ނަމަ 4000 ފްލެޓް ސްކީމުން އެމީހަކަށް ފްލެޓް ނުލިބޭނެކަން އަންގަމުންދާކަށް ހައުސިން މިނިސްޓްރީން ވަނީ ބުނެފައެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
