މަޖިލީހުން މި މައްސަލަތައް ބަލަން ނިންމާފައި މިވަނީ ޖީއެމްސީއީ (ޖެމްކިއު) ކިޔާ ޕްރެމިޑް ސްކީމެއްގައި އެތައް ހާސް ދިވެހިން ބައިވެރިވެ ލަނޑު ލިބިފައި ދަނޑިވަޅެއްގައެވެ.
ރާއްޖޭގައި ބޮޑެތި ޕިރަމިޑް ސްކީމްތައް ހިންގާ އެތައް ބަޔަކަށް ލަނޑު ލިބުމުން އެ މައްސަލަ ކޮމިޓީން ބަލަން ހުށަހެޅުއްވީ ހިތާދޫ ދާއިރާގެ މެމްބަރު މުހައްމަދު ޝިރުހާނެވެ.
އޭނާ ހުށަހެޅުއްވީ ކަމާބެހޭ އިދާރާތައް ކޮމިޓީއަށް ހާޒިރުކޮށް، އެ މައްސަލަތައް ހިނގާފައިވާ ގޮތް ބެލުމަށެވެ.
ޝިރުހާން ހުށައެޅުއްވި މައްސަލައަށް ތާއީދުކުރައްވަމުމް ހެންވޭރު ދެކުނު ދާއިރާގެ މެމްބަރު ހުސެއިން އިމްރާން ލަތީފު ވިދާޅުވީ ހަމައެކަނި ޕިރަމިޑް ސްކީމްތަކުގެ މައްސަލަ އެކަނި ނުބަލައި، ސޯޝަލް މީޑިއާގައި އެކި ޕްލެޓްފޯމުތަކުގައި ހިންގާ ސްކޭމްގެ ހުރިހާ މައްސަލަތަކެއް ވެސް ބަލަން ޖެހޭ ކަމަށެވެ.
ކޮމިޓީން ފާސްކުރީ އެ މައްސަލަތައް ބެލުމަށް ކަމާބެހޭ އިދާރާތަކާ ބައްދަލު ކުރުމަށެވެ.
