ހަބަރު /
ސިވެކްގެ ލޭންޑިން ކްރާފްޓެއް ބަންޑުން ޖަހާލައިފި
ބަންޑުން ޖަހާލި ލޭންޑިން ކްރާފްޓުން ދިވެއްސަކު މަރުވެއްޖެ
މުހައްމަދު އާދަމް އަހްމަދު
25 ޖޫން 2025 - 13:46:16
ކާށިދޫ ކަނޑަށް މިއަދު ބަންޑުން ޖަހާލި ލޭންޑިން ކްރާފްޓުގައި ތިބި މީހުންގެ ތެރެއިން އެކަކު މަރުވެއްޖެއެވެ.
Advertisement
ބަންޑުން ޖަހާލާފައިވަނީ ސިފައިންގެ ކުންފުނި ސިވެކްގެ ލޭންޑިން ކްރާފްޓެކެވެ.
އެމްއެންޑީއެފުން ބުނީ ސިވެކްގެ ލޭންޑިން ކްރާފްޓް ބަންޑުން ޖަހާލުމާ ގުޅިގެން، އޭގެން ދަތުރުކުރި މީހުން ސަލާމަތްކުރުމުގެ މަސައްކަތް ކުރަމުން އަންނަކަމަށެވެ.
އެނގިފައިވާ ގޮތުގައި ލޭންޑިން ކްރާފްޓުން ކަނޑުވި މީހުން ސަލާމަތް ކުރުމަށް ފަހު ގެންދިޔައީ ޅ. އަތޮޅު ހޮސްޕިޓަލަށެވެ.
އެ އުޅަނދުގައި ތިބި މީހުންގެ ތެރެއިން ފަސް މީހަކު އެ ހޮސްޕިޓަލަށް ގެންގޮސްފައިވާ ކަމަށް އެ ހޮސްޕިޓަލުން ބުނެއެވެ. އަދި އޭގެ ތެރެއިން އެކަކު މަރުވެފައިވާއިރު އަނެއް މީހުންނަށް އެމެޖެންސީގައި ފަރުވާ ދެމުން އަންނަކަމަށް ޅ. އަތޮޅު ހޮސްޕިޓަލުން ބުނެއެވެ.
ލޭންޑިން ކްރާފްޓް ބަންޑުން ޖަހާލުމުން އޭގައި ތިބި މީހުން ހޯދަމުން އަންނައިރި އެ އުޅަނދުން ދަތުރުކުރީ ކިތައް މީހުން ކަމެއް މިހާތަނަށް ސާފެއް ނުވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
