އެމްޑީޕީގެ ރިޔާސީ ޕްރައިމަރީއަށް ފަހު، 2023 ވަނަ އަހަރުގެ ރިޔާސީ އިންތިހާބާ ކުރިމަތިލީއިރު، އެ ޕާޓީ އޮތީ ދެ ބައިވެފައެވެ. ޕާޓީ ދެބައިވެ އުފެދުނު ކޯޅުމުގެ ތެރޭގައި އެމްޑީޕީއަށް ވެރިކަން ގެއްލިދިޔުމަށް ފަހު، އޭރު ޕާޓީން ވަކިވި މެންބަރުން އަލުން މިހާރުވަނީ ޕާޓީއާ ގުޅިފައެވެ. އެ ގްރޫޕް ލީޑު ކުރައްވަނީ ރައީސް ނަޝީދު އެވެ.
2023 އިންތިހާބު ދުވަސްވަރު ރައީސް އިބްރާހީމް މުހައްމަދު ސޯލިހާއި، ރައީސް މުހައްމަދު ނަޝީދާ ދެބޭފުޅުންގެ ހިޔާލުތަފާތުވެ، ޕާޓީގައި ދެ ފެކްޝަން އުފެދި މުޅި ޕާޓީ ފެއިލްވީއެވެ. ނަޝީދާއި އެ މަނިކުފާނަށް ތާއިދުކުރައްވާ ބޭފުޅުން އުފެއްދެވި ދަ ޑިމޮކްރެޓްސްއިން ރިޔާސީ އިންތިހާބުގައި ވާދަކުރިނަމަވެސް ދަ ޑިމޮކްރެޓްސްގެ ކެންޑިޑޭޓަށް ފުރަތަމަ ބުރުގައި ލިބުނީ ނިސްބަރުން ވަރަށް މަދު ވޯޓެކެވެ.
މިއަދު އެމްޑީޕީން ބޭއްވި ނޫސްވެރިންގެ ބައްދަލުވުމުގައި ފައްޔާޒު ވިދާޅުވީ ޕާޓީގެ އެތެރޭގައި ވާދަވެރިކަން އޮތީ ހަމައެކަނި ރިޔާސީ ރޭހަށް ނޫން ކަމަށެވެ. ޕާޓީގެ އިސް މަގާމުތަކަށް ވެސް ވާދަވެރިކަން ބޮޑުކަމަށް އޭނާ ވިދާޅުވިއެވެ.
ފައްޔާޒު ވިދާޅުވި ގޮތުގައި ޕާޓީގެ އެތެރޭގައި ހިތްހަމަނުޖެހުން އެބަހުއްޓެވެ. ހަމައެކަނި ޕާޓީގެ މެންބަރުން އެކަނި ނޫން ކަމަށާއި ޕާޓީން ވަކިވެވަޑައިގެން އަލުން އެ ޕާޓީއާ ގުޅިވަޑައިގެންނެވި މެންބަރުންގެ ވެސް އެބަހުރި ކަމަށް ވިދާޅުވިއެވެ.
ފައްޔާޒު ވިދާޅުވީ ޕާޓީ ވަރުގަދަވާނީ 'ކަށިކެޔޮގަނޑު އެކައްޗަކަށް ހެދިގެން' ކަމަށާއި މިހާރު ޕާޓީގެ މިސްރާބު ހުރީ އެ މަގުން ކަމަށެވެ.
