ޖެމްކިޔު އިންވެސްޓްމެންޓް ސްކީމަކީ ޕިރަމިޑް ސްކީމެއްކަން ސާބިތުވެފައިވާއިރު، އެކަމުގައި އިސްކޮށް ހަރަކާތްތެރިވި ހަތް ދިވެހީން ދެނެގަނެވިފައިވާކަމަށް ފުލުހުން މީގެ ކުރިން ހާމަކޮށްފައިވެއެވެ.
މި މަހުގެ 19 ވަނަ ދުވަހު އެންމެ ފުރަތަމަ ޖީއެމްސީއީން ފައިސާ ނުނެގޭ ގޮތް ހެދުމާއެކު އިންވެސްޓަރުން ކަންބޮޑުވެފައިވާއިރު، ދެ ދުވަސް ފަހުން މި ސްކީމް ހިންގުމަށް ބޭނުންކުރާ ރަސްމީ ޓެލެގްރާމް އެކައުންޓުގައި ހާމަކުރީ އެ ސްކީމް ހުއްޓާލާފައިވާކަމެވެ. މި ސްކީމަށް އިންވެސްޓްކުރި އަދަދު މިލިއަން ޑޮލަރަށް އަރާކަމަށް ފުލުހުން ބުނެފައިވާއިރު، ފައިސާ އަނބުރާ ހޯދޭނެކަމުގެ އުންމީދު ކުޑަކަމަށް ފުލުހުން ހާމަކޮށްފައިވެއެވެ.
ރާއްޖޭގައި މިފަދަ ސްކޭމްގެ މައްސަލަތައް އިތުރުވަމުންދާއިރު، ސްކޭމްގެ މައްސަލަތައް ބެލުމުގެ ގާނޫނީ ޒިންމާ އޮތް ކެޕިޓަލް މާކެޓް ޑިވަލޮޕްމެންޓް އޮތޯރިޓީ (ސީއެމްޑީއޭ)އަށް ތަންފީޒުކުރުމުގެ ބާރު ކުޑަކަމަށް އެ އޮތޯރިޓީން މިފަހުން ބުނެފައިވެއެވެ.
