ރައީސް ސޯލިހު މިހެން ވިދާޅުވި ނަމަވެސް ރައީސް ނަޝީދު އެނބި އެމްޑީޕީއަށް ގުޅިވަޑައިގަތުމަށް ބޭއްވި ޖަލްސާގައި އެމަނިކުފާނު ބައިވެރިވެ ވަޑައެއް ނުގަނެއެވެ.
އެމްޑީޕީ އަށް 20 އަހަރު ފުރުމުގެ މުނާސަބަތުގައި އެކްސް ޕްލެޓްފޯމުގައި ކުރެއްވި ޕޯސްޓެއްގައި ސޯލިހް ވިދާޅުވީ، ހުދުމުހުތާރު ގޮށްމުށްތަކުގެ ދަށަށް ގައުމު އަނބުރާ ހިނގައިދާނެކަމުގެ ބިރު ބޮޑުވެފައިވާ މި ދަނޑިވަޅުގައި، ގައުމު އަމާން ބަނދަރަކަށް ގެންގޮސްދިނުމަށް އެމްޑީޕީން ކުރިއަށް ދާނީ ޕާޓީގެ ސަފުތައް ހަރުދަނާކޮށް އެކަތިގަނޑެއްގެ ގޮތުގައި ކަމަށެވެ. އަދި ޕާޓީގެ ހިތްވަރުގަދަ މެންބަރުންނަށާއި ތާއީދުކުރާ އެންމެންނަށް ހޫނު މަރުހަބާއެއް ދެންނެވިއެވެ.
ނަޝީދުގެ އިތުރުން ޑިމޮކްރެޓްސް އުފެއްދި އެހެން ބޭފުޅުން ވެސް މިހާރު ވަނީ އެމްޑީޕީއަށް އެނބުރި ވަޑައިގެންފައެވެ. ސޯލިހް ވިދާޅުވިގޮތުގައި، އެމްޑީޕީއަކީ ރާއްޖެއަށް ޑިމޮކްރަސީ ތައާރަފްކުރި ޕާޓީއެވެ.
