މިކަން މިނިސްޓަރު ހާމަކުރެއްވީ ދައުލަތުގެ މީޑިއާގެ ޕްރޮގްރާމެއްގައި ވާހަކަ ދައްކަވަމުންނެވެ. މިނިސްޓަރު ވިދާޅުވިގޮތުގައި މިހާރު ދޫކުރަން ތައްޔާރުވަމުންދާ 4000 ފްލެޓް އެގްރިމެންޓްކުރާނީ 25 އަހަރުގެ މުއްދަތަށް ކުލި ދެއްކުމުން އެތަން ރަޖިސްޓްރީކޮށްދެވޭ ގޮތަށެވެ. ކުއްޔަށް ދޫކުރާ ތަނެއްގެ ގޮތުގައި ރަޖިސްޓްރީ ކުރެވިފައި އޮތުމުން ކުލި ނުދައްކާ ފަރާތްތަކާމެދު ފިޔަވަޅު އެޅުމަށް ފަސޭހަވާނެކަމަށް މިނިސްޓަރު ފާހަގަކުރެއްވިއެވެ. މީގެއިތުރުން މިނިސްޓަރު ވިދާޅުވީ ފްލެޓްތައް ލިބޭ ފަރާތްތަކާއެކު އެގްރިމެންޓްތައް ހެދުމާއި ފްލެޓްތައް ހަވާލުކުރުމުގެ މަސައްކަތް ޖުލައި މަހު ފަށާނެކަމަށެވެ.
އެއީ ސަރުކާރުން ހިންގާ ހައުސިން މަޝްރޫއުތަކުގައި ދޫކުރާ ހައުސިން ޔުނިޓްތަކަށް ގިނަ ބަޔަކު ކުލި ނުދައްކާ ދިރިއުޅެމުންދާތީ ހައްލު ހޯދުމަށް އަޅާ ފިޔަވަޅެއްކަމަށް މިނިސްޓަރު ވިދާޅުވި އެވެ.
