މި މައްސަލައާ ގުޅިގެން ސޯޝަލް މީޑިއާގައި ކުއްޖާގެ އާއިލާއިން ބުނީ، ކުއްޖާ ހޮސްޕިޓަލަށް ގެންދިޔައީ ރޯގާ ޖެހިގެން ފަރުވާ ހޯދުމަށް ކަމަށާއި، ނަމަވެސް ލިބުނު ފަރުވާގެ ސަބަބުން ކުއްޖާ ހުން އައިސް ހަށިގަނޑު ފުފުނު ކަމަށެވެ. އަދި ކުއްޖާ ހޮސްޕިޓަލަށް ވެއްދިތާ ފަސް ދުވަސް ވަންދެން ކުޑަކުދިންގެ ހާއްސަ ޑޮކްޓަރަކު ނުބަލާ ކަމަށާއި، ލިވަރު ފެއިލްވުމުން ބޭރަށް ރިފަރ ކުރުމަށް އެދުނުއިރު އާސަންދަ ހަމަޖެހުމުގެ މައްސަލަތައް ކުރިމަތިވެފައިވާ ކަމަށް ވެސް އެ ޕޯސްޓުގައި ބުނެފައިވެއެވެ. އަދި ހޮސްޕިޓަލުގައި ކުއްޖާ އަށް ސީޕީއާރު ދިނުމުން ލޭ އައިސްފައިވާ ކަމަށްވެސް ބުނެފައިވެއެވެ.
މި މައްސަލައިގައި ސީއެންމްއެން ގުޅުމުިން ޑރ. ޒޭބާ ވިދާޅުވީ މިއީ ސީރިއަސް މައްސަލައެއްގެ ގޮތުގައި ބަލާ މައްސަލައެއް ކަމަށާއި އިންވެސްޓިގޭޝަން ކުރިއަށް ދާ ކަމަށެވެ. މިހާތަނަށް އައިޖީއެމްއެޗުން ރަސްމީ ބަޔާނެއް ނެރެފައި ނުވިނަމަވެސް، އެ ހޮސްޕިޓަލުން ބަޔާނެއް ނެރުމުގެ މަސައްކަތް ކުރަމުންދާ ކަމަށް ޑރ. ޒޭބާ ވިދާޅުވިއެވެ.
މި މަކަމާއި ގުޅުގެން ހާއްސަ މީޓިންއެއްވެސް މިއަދު ވަނީ އައިޖީއެމްއެޗްގައި ބާއްވާފައެވެ.
