ޕްރަވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ބުނީ ދައުލަތުގެ ވިޔަފާރި ތަންތަން ޕްރަވަޓައިޒްކުރުމާއި ކޯޕަރަޓައިޒްކުރުމާއި މޮނިޓާކޮށް އިވެލުއޭޓްކުރުމުގެ ގާނޫނުގައިވާ ގޮތުގެ މަތިން ޑީބީއެމްގެ ބޯޑުގެ މެމްބަރުގެ ގޮތުގައި ހަތަރު ބޭފުޅަކު އިއްޔެ އައްޔަން ކޮށްފައިވާ ކަމަށެވެ.
ޑީބީއެމްގެ ބޯޑަށް އައްޔަންކުރެއްވި ބޭފުޅުންނަކީ؛
1. ހަސަން މިރާސް، މއ. މާފުނަ، މާލެ
2. އަހްމަދު އަޒްޔާން ހަމީދު، މ. ލަންސީމޫގެ، މާލެ
3. މައީޝާ އިބްރާހިމް، ތިކުރީތު، ދ. ކުޑަހުވަދޫ
4. އަޒްމީން ރަޝީދު، ޗަބޭލީވިލާ، ގދ. ރަތަފަންދޫ
ރައީސް ޑރ. މުޙައްމަދު މުޢިއްޒުގެ ރިޔާސީ ވައުދުފުޅާ އެއްގޮތަށް އުފެއްދި ޑިވެލޮޕްމަންޓް ބޭންކް އޮފް މޯލްޑިވްސް ހުޅުވީ މިދިޔަ އަހަރުގެ ނޮވެމްބަރު 16 ގަ އެވެ.
ޑީބީއެމްގެ މެނޭޖިން ޑިރެކްޓަރު އަދި ސީއީއޯއަކަށް އިނގިރޭސި ވިލާތުގެ ބޭފުޅެއް ކަމަށްވާ ނޮއެލް ގްރެގާ ޕެޓާސަން ޖޯންސް އެ ބޭންކް އިފްތިތާހުކުރުމާ އެކު އައްޔަންކުރި އެވެ. ނަމަވެސް މިދިޔަ މާޗު މަހު އޭނާ ވަނީ މަގާމުން އިސްތިއުފާ ދެއްވައިފަ އެވެ.
