އެގްރިކަލްޗާ މިނިސްޓްރީން ހަދާފައި ހުރި ގްރީން ހައުސް އެއް.
އުތުރުގެ 12 ރަށެއްގައި ގްރީންހައުސް ގާއިމުކޮށްފި
އަލީ މިދުހަތު
06 ޖުލައި 2025 - 13:26:25
ތިމާވެއްޓާ ރައްޓެހި ދެމެހެއްޓެނިވި ދަނޑުވެރިކަން، ދަނޑުވެރިންނަށް ތައާރަފް ކުރުމުގެ ގޮތުން އުތުރުގެ 12 ރަށެއްގައި ގްރީންހައުސްތައް ހަދައިފި އެވެ.
Advertisement
މިއީ އެގްރިކަލްޗަ މިނިސްޓްރީ އާއި އިފާޑް ގުޅިގެން ކުރިއަށް ގެންދާ މޯލްޑިވްސް އެގްރިބިޒްނަސް ޕްރޮގްރާމް މެޕް) ގެ ދަށުން ކުރިއަށް ގެންދާ މަޝްރޫއެވެ.
ގްރީންހައުސްތައް ގާއިމުކޮށްފައިވާ ރަށްތައް:
- ހދ. މަކުނުދޫ
- ހދ. ނޭކުރެންދޫ
- ހދ. ނޮޅިވަރަމްފަރު
- ހދ. ވައިކަރަދޫ
- ހއ. ކެލާ
- ހއ. އުލިގަމު
- ހއ. މޮޅަދޫ
- ހއ. ފިއްލަދޫ
- ށ. ނަރުދޫ
- ށ. ގޮއިދޫ
- ށ. ފޯކައިދޫ
ގްރީން ހައުސްތައް ގާއިމުކޮށް ދަނޑުވެރިން ޒަމާނީ ދަނޑުވެރިކަމަށް އަހުލުވެރި ކުރުމުގެ އިތުރުން، ދަނޑުވެރިކަމުގައި ކުރިއަރައި ދިއުމަށް ބޭނުންވާ ތަފާތު ތަމްރީންތައްވެސް ދަނޑުވެރިނަށް މެޕްއިން އަންނަނީ ފޯރުކޮށްދެމުންނެވެ. އެގޮތުން 224 އަށްވުރެއް ގިނަ ދަނޑުވެރިންނަށް ވަނީ ގްރީންހައުސްތަކުގައި ދަނޑުވެރިކަން ކުރުމަށް ބޭނުންވާ ތަމްރީންތައް ދީފަ އެވެ.
މޯލްޑިވްސް އެގްރިބިޒްނަސް ޕްރޮގްރާމަކީ އިންޓަރނޭޝަނަލް ފަންޑް ފޯ އެގްރިކަލްޗާ ޑިވެލޮޕްމަންޓް (އިފާޑް) އާއި ދިވެހި ސަރުކާރާއި ގުޅިގެން ކުރިއަށްގެންދާ ޕްރޮގްރާމެކެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
