އެޗްއާރުސީއެމް
ހިއުމަން ރައިޓްސް ކޮމިޝަނަށް މެންބަރުން ހޯދުމަށް އަލުން އިއުލާން ކޮށްފި
ގުފްތަގް އަޖީރު
16 ޖުލައި 2025 - 16:05:40
ހިއުމަން ރައިޓްސް ކޮމިޝަން އޮފް ދަ މޯލްޑިވްސްގައި މިހާރު ތިއްބެވި މެންބަރުންގެ ތެރެއިން ދެ މެންބަރެއްގެ މަގާމުގެ މުއްދަތު ހަމަވާތީ، އެ ކޮމިޝަނަށް އައު މެންބަރުން އައްޔަންކުރުމަށް ކުރިމަތިލުމުގެ ފުރުސަތު ރައީސް އޮފީހުން އަލުން ހުޅުވާލައިފިއެވެ.
Advertisement
މި ފުރުސަތު ހުޅުވާލާފައިވަނީ 30 ޖުލައި 2025 ވާ ބުދަ ދުވަހުގެ މެންދުރު 12:00 ގެ ނިޔަލަށެވެ.
ހިއުމަން ރައިޓްސް ކޮމިޝަންގެ މެންބަރުކަމަށް ކުރިމަތިލުމަށް އެދޭ ފޯމު ރައީސް އޮފީހުގެ ވެބްސައިޓުން ޑައުންލޯޑް ކުރެވޭނެކަމަށް ރައީސް އޮފީހުން ބުންޏެވެ. އަދި ފޯމު ހުށަހެޅުމަށް ހަމަޖެހިފައިވަނީ ރަސްމީ ބަންދު ދުވަސްތައް ފިޔަވައި އެހެން ދުވަސްތަކުގެ ހެނދުނު 8:30 އިން މެންދުރު 12:00 އަށް ރައީސް އޮފީހަށް ކަމަށްވެސް އެ އޮފީހުން ބުންޏެވެ.
ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމުގެ މަގާމަށް ކުރިމަތިލުމުގެ ފުރުސަތު ކުރިން ހުޅުވާލައި، 24 ޖޫން 2025 ގައި ކޮށްފައިވާ ނަންބަރު 1/2025/59/ޕީ.އޭ.އޯ-1(އައި.ޔޫ.އެލް) އިއުލާނާ ގުޅިގެން ކުރިމަތިލާފައިވާ ފަރާތްތަކުން ހުށަހަޅާފައިވާ ލިޔުންތައް ބަލައިގެންފައިވާ ކަމަށްވެސް ރައީސް އޮފީހުން ހާމަކޮށްފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
