ޕީއެންސީގެ ޕީޖީ ލީޑަރު ފަލާހު އެ ޕާޓީގެ ޖަލްސާއެއްގައި ވާހަކަ ދައްކަވަނީ.
ތިޖޫރީތައް ލީ ތަންތަން އެނގިވަޑައިގަންނަވާނީ އެމްޑީޕީގެ ބޭފުޅުންނަށް: ފަލާހު
ގުފްތަގް އަޖީރު
16 ޖުލައި 2025 - 16:10:21
ބައެއް ތަންތަނުން ތިޖޫރީތައް ގެއްލުނު އިރު، އެ ތިޖޫރީތައް ލީ ތަންތަން އެނގިވަޑައިގަންނަވާނީ އެމްޑީޕީގެ ބޭފުޅުންނަށް ކަމަށް، އިނގުރައިދޫ ދާއިރާގެ މެމްބަރު އަދި ޕީއެންސީގެ ޕާލަމެންޓްރީ ގްރޫޕްގެ ލީޑަރު އިބްރާހިމް ފަލާހު ވިދާޅުވެއްޖެއެވެ.
Advertisement
ފަލާހު މިފަދައިން ވިދާޅުވީ އަނގާރަ ދުވަހުގެ މަޖިލީސް ޖަލްސާގައި، ޓްރޭޑް މާކް ބިލަށް ބަހުސް ކުރައްވަމުން ދެއްކެވި ވާހަކައިގައެވެ.
ފަލާހު ވިދާޅުވީ "އެމްޑީޕީއަކީ އަބަދުވެސް ވައްކަމަށް މޮޅު ޕާޓީއެއް ކަމަށާއި، އެ ޕާޓީއިން އެތަކެއް ވައްކަމުގެ އަމަލުތަކެއް ހިންގާފައިވާ،" ކަމަށެވެ." މިފަދަ މައްސަލަތައް ހޯދުމަކީ ދަތިކަމެއް ކަމަށާއި، ވައްކަން ކުރަން މޮޅު ބަޔަކު ކުރި ވައްކަން ހޯދަން ފަސޭހަ ނުވާނެ ކަމަށް،" ފަލާހު ވިދާޅުވިއެވެ. ނަމަވެސް، އެކަންކަން ހޯދައި ތަހުގީގުކޮށް ފިޔަވަޅު އަޅާނެ ކަމަށް ފަލާހު ވިދާޅުވިއެވެ.
އިދިކޮޅު ޕާޓީއަށް އަމާޒުކޮށް ދެއްކެވި ވާހަކައިގައި ފަލާހު ވިދާޅުވީ މި ސަރުކާރުން ވެރިކަމާ ހަވާލުވީއިރު ދައުލަތުގެ ހާލަތު އެންމެ ރަނގަޅަށް އެނގިވަޑައިގަންނަވާނީ އިދިކޮޅު އެމްޑީޕީއަށް ކަމަށާއި، ޑޮލަރު ރޭޓު ހުރި ވަރާއި އަރައިގެން ދިޔަ ވަރުގެ އިތުރުން މިހާރު ގެނެސްފައިވާ ބަދަލުތައްވެސް އެމްޑީޕީއިން ރަނގަޅަށް ދަންނާނެ ކަމަށެވެ. އަދި މައްސަލަތައް ބެލުމަށް ގާނޫނުތަކަށް ރައްކާތެރި ބަދަލުތަކެއް ގެނެވި، ނިޒާމުތަކެއް ބައްޓަން ކުރެވިގެން ނޫނީ އެކަންކަން ނުހޯދޭނެ ކަމަށާއި، ނަމަވެސް މި ސަރުކާރުން އެކަންކަން ހޯދައި އިންސާފު ގާއިމްކުރާނެ ކަމަށް ފަލާހު ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
