ބޮލީވުޑް ތަރިއެއް ކަމަށްވާ އުރުފީ ޖާވެދު ދާދި ފަހުން ސޯޝަލް މީޑިއާގައި ކިޔައިދިނީ އޭނާގެ ތުންފަތައް އިިންޖެކްޓުކި ލިޕް ފިލާރު ނެގުމުން އޭނާގެ މޫނަށް ބޮޑެތި ބަދަލުތަކެއް އައިސްފައިވާ ވާހަކައެވެ. އެގޮތުން، އޭނާގެ މޫނު ވަރަށް ބޮޑަށް ދުޅަވެ ވަނީ ފުފިފައެވެ.
އުރުފީގެ ތުންފަތުއް ކުރިން އިންޖެކުޓުކުރި ފިލާރުތައް ގޯސްކޮށް ހުރުމުން. އެ ފިލާރުތައް ނައްތާލުމަށް ހަޔެލޫރޮނިޑޭޒް ކަމަށް ކިޔާ އެންޒައިމެއް ބޭނުންކުރިއެވެ. މިފަދަ ޕްރޮސީޖަރތަކުގައި، ހަޔެލޫރޮނިކް އެސިޑް ފިލާރުތައް ނައްތާލުމުގެ ސަބަބުން ވަގުތީ ގޮތުން ދުޅަވުމަކީ އާންމުކަމެކެވެ. މި ދުޅައިގެ ހާލަތު އެންމެ ގިނަވެގެން ދެމިގެންދަނީ އެއް ހަފުތާއަށެވެ.
އުރުފީ ބުނީ އޭނާގެ ތުންފަތުގައި ޖަހާފައިވާ ފިލާރުތައް ނައްތާލުމުގެ ސަބަބުން ވަރަށް ބޮޑު ވޭނަކާ ކުރިމަތިވިކަމަށެވެ.
މި ފަދަ ޕްރޮސީޖާރުތަކަށްފަހު ދުޅަ ކުޑަކުރުމަށްޓަކައި ގަނޑުފެން ޖެއްސުމާއި، ބަރު މަސައްކަތްކުރުން ހުއްޓާލުމާއި، ބޮލުގެ އިސްތަށިގަނޑު މައްޗަށް ހުންނާނޭހެން ހުޅި ޖަހާފައި ބެހެއްޓުން މުހިންމެވެ.
