ފުލުހުން ވަނީ މޯދީ ވަޑައިގަންނަވާތީ ޖުމްހޫރީ މައިދާނުން ފެށިގެން އެ ސަރަހައްދުގެ ބޮޑުބައެއް ބަންދުކޮށްފައެވެ. އަދި އާއްމުން އެ ސަރަހައްދަށް ވަނުން ވަނީ މަނާކޮށްފައެވެ.
އެހެންވެ އެ ސަރަހައްދުގައި ހުންނަ އިސްލާމީ މަރުކަޒަށް ނަމާދަށްވެސް އެރޭ ގޮތް ވަނީ ނުވެފައެވެ. މިއަދުގެ އަސުރުގެ ނަމާދުގެ ވަގުތުގައި މަރުކަޒުގައި އިމާމުގެ އިތުރުން ހުރީ އެންމެ މީހެކެވެ. މިކަމާއި ކަންބޮޑުވުން ފާޅުކޮށް މަރުކަޒުގެ އިމާމު އެފްބީގައި ވަނީ ޕޯސްޓެއްކޮށްފައެވެ.
އެހެންނަމަވެސް އިމާމު މިހާރު ވަނީ މި ޕޯސްޓް ޑިލީޓްކޮށްފަައެވެ.
އިންޑިއާގެ ބޮޑުވަޒީރު މޯދީ ވަޑައިގަންވާތީ ބަންދުވާނެ ސަރަހައްދުތައް ކަނޑައަޅާ ފުލުހުން އާއްމުކުރި ޗާޓް
ފުލުހުން މިއަދު ހެނދުނު އެކްސްގައި ކުރި ޕޯސްޓެއްގައި ބުނީ އިންޑިއާގެ ބޮޑުވަޒީރު ރާއްޖެއަށް ކުރައްވާ ރަސްމީ ދަތުރުފުޅާ ގުޅިގެން ޖޫމްހޫރީ މައިދާން ސަރަހައްދު 2025 ޖުލައި 26 ވަނަ ދުވަހުގެ 11:00 އިން 18:00 އަށް ބަންދުވާނެކަމަށެވެ. އޭގެތެރޭގައި ބައެއް ސަރަހައްދަކީ އެއްކޮށް ބަންދުކުރެވޭ ސަރަހައްދުކަމަށް ފުލުހުން ބުނެއެވެ. އެގޮތުން އެއްކޮށް ބަންދުކުރެވޭ ސަރަހައްދުގެ ތެރޭގައި އިސްލާމީ މަރުކަޒުވެސް ހިމެނެއެވެ.
