އެމަނިކުފާނު މިހެން ވިދާޅުވީ މިނިވަންދުވަހުގެ މުނާސަބަތުގައި ދިވެހި ރައްޔިތުންނާއި މުހާތަބުކޮށް ވާހަކަ ދައްކަވަމުންނެވެ.
ރައީސް މުއިއްޒު ވިދާޅުވީ ސަރުކާރުން މަސައްކަތް ކުރަމުންދާނީ ގައުމުގެ ތަރައްގީ ކުރިޔަށް ގެންދިޔުމަށް އެމަނިކުފާނު ވެފައި ހުރި ވައުދުތައް ފުއްދުމުގައި އިހްލާސްތެރިކަމާއި އެކު ބުރަ މަސައްކަތް ކުރުމުގައިކަމަށެވެ. މިކަންކަން ކުރުމުގައި ވަރަށް ހިވާގިކަމާއި އެކީގައި ރެއާ ދުވާލު މަސައްކަތް ކުރާނެކަމަށް ރައީސް މުއިއްޒު ވިދާޅުވިއެވެ.
ތަރައްގީގެ މަސައްކަތްތައް ކުރާނީ ބޭރުގެ ފަރާތަކުން އެހީތެރިކަން ހޯދަމުން ވަރުގަދަ އަޒުމެއްގައިކަމަށްވެސް ރައީސް މުއިއްޒު ވިދާޅުވިއެވެ. އަދި މިދިޔަ ދޮޅު އަހަރެއްހާ ދުވަހުގެ ތެރޭގައި ކުރި މަސައްކަތްތަކެއްވުރެ ގިނަ މަސައްކަތް މި ސަރުކާރުގެ ޕްލޭނާއި އެގޮތަށް ކުރިޔަށް ދާނެކަމަށާއި އެކަންކަން ކުރިޔަށް އޮތް ހަފްތާތަކުގައި މަސްތަކުގައި ފެނިގެންދާނެކަމަށްވެސް ރައީސް މުއިއްޒު ވިދާޅުވިއެވެ.
މާލޭގެ އިތުރުން ރާއްޖޭގެ ހުރިހާ ކަންކޮޅެެއްގައި މި މަސައްކަތްތައް މިހާރުވެސް ފެންނަމުންދާނެކަމަށް ރައީސް މުއިއްޒު ވިދާޅުވިއެވެ. އެހެންނަމަވެސް ތަރައްގީ ހާސިލުވާނީ ނަފްސު ތަރައްގީކޮށް ސިކުނޑި ތަރައްގީކުރަން ވިސްނައިގެންކަން ރައީސް މުއިއްޒު ވިދާޅުވިއެވެ.
