ވައިގަދަވެ، އެއާޕޯޓްގައި ހުރި ގިޑިގެއެއް ވެއްޓިފައި
ވައިގަދަވެ، ވީއައިއޭއަށް ވަންނަ މަގުގައި ހުރި ގިޑިގެއެއް ވެއްޓިއްޖެ
މުހައްމަދު އާދަމް އަހްމަދު
29 ޖުލައި 2025 - 19:42:43
ރާއްޖެއަށް މިހާރުކުރަމުންދާ ވިއްސާރާގައި ވެރިރަށް މާލެއަށް ވައިގަދަވެ، ވެލާނާ އިންޓަނޭޝަނަލް އެއާޕޯޓަށް ވަންނަ މަގުގައި ހުރި ގިޑިގެއެއް ވެއްޓިއްޖެއެވެ.
Advertisement
ފުލުހުން ބުނީ އެއާޕޯޓަށް ވަންނަ މަގުގައި ހަދާފައި ހުރި ގިޑިގެއެއް ވައިގަދަވުމުގެ ސަބަބުން ވެއްޓުނު ކަމުގެ ރިޕޯޓް ލިބުނީ މެންދުރު 13:30 ހާއިރު ކަމަށެވެ.
މި ހާދިސާގައި އެއްވެސް މީހަކަށް ނުވަތަ އެމަގުން ދަތުރުކުރާ ވެހިކަލަކަށްވެސް ގެއްލުމެއް ނުލިބޭކަމަށް ފުލުހުން ބުނެއެވެ. އެހެންނަވެސް އެ ހާދިސާ ހިންގުމުން މަގު ބްލޮކްވެ ޓްރެފިކަށް ހުރަސް އެޅުނުކަމަށް ފުލުހުން ބުނެއެއެވެ.
ގިޑިގެ ވއްޓުނުތާ މާގިނައިރުތަކެއް ނުވަނީސް އެމްއޭސީއެލް މުވައްޒަފުން ގުޅިގެން އެ ނަގާފައިވާކަމަށް ފުލުހުން ބުނެއެވެ. އަދި މާ ގިނައިރުތަކެއް ނުވަނީސް މަގު ހުޅުވާލާފައިވާކަމަށް ފުލުހުން ބުނެއެވެ.
މިހާރު ރާއްޖެއަށް ކުރަމުންދާ ވިއްސާރާގައި 50 މޭލަށް ވައިގަދަވާނެކަމަށް މެޓް އޮފީހުން ވަނީ ބުނެފައެވެ. އަދި އުދައެރުން އެކަށީގެންވާކަމަށްވެސް މެޓް އޮފީހުން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
