މި ކްލާސްތައް ކުރިއަށް ދާނީ މިމަހުގެ 16 ވަނަ ދުވަހާއި 23 ވަަނަ ދުވަހާއި 30 ވަނަ ދުވަސް އަދި އަންނަ ސެޕްޓެމްބަރު ހަ ވަނަ ދުވަހު އެވެ. މި ކްލާސްތައް އޮންނާނީ ހުޅުމާލޭގައި ހުންނަ އުރީދޫ މޯލްޑިވްސް ހެޑްކުއާޓާސްގެ ހަތަރު ވަނަ ފަންގިފިލާގަ އެވެ.
އުރީދޫން ބުނީ މި އެކްސްކްލޫސިވް ޕްރޮގްރާމުގެ މައިގަނޑު މަގުސަދަކީ، ދިވެހި ސަގާފަތުގެ މުއްސަނދި އަދި ފަޚުރުވެރި ތަރިކައެއް ކަމަށްވާ ބޮޑުބެރުގެ ވައްޓަފާޅި، ހަބޭސް ބޮޑުބެރުގެ ހުނަރުވެރި އިރުޝާދުގެ ދަށުން ބައިވެރިންނަށް ދަސްކޮށްދިނުން ކަމަށެވެ.
މި ކްލާސްތަކުގައި ބައިވެރިވުމުގެ ފުރުސަތު އުރީދޫގެ ވެބްސައިޓު މެދުވެރިކޮށް މިހާރު ހުޅުވާލާފައި ވާއިރު، ބައިވެރިންގެ އަތުން އެއްވެސް ފީއެއް ނުނަގާނެ ކަމަށް އުރީދޫން ބުންޏެވެ.
މި ކްލާސްތަކުގައި ބައިވެރިވެވޭނީ އެންމެ ފުރަތަމަ ރަޖިސްޓްރީ ކުރާ 20 ފަރާތަކަށެވެ. މި ކްލާސްތަކަށް ރެޖިސްޓްރީ ކުރެވޭނީ މަހުގެ 16 ވަނަ ދުވަހުގެ ނިޔަލަށެވެ. އަދި ކްލާސްތަކުގައި ބައިވެރިވެވޭނީ 18 އަހަރުން މަތީގެ ފަރާތްތަކަށެވެ.
އުރީދޫގެ ބްރޭންޑް އެމްބެސެޑަރު ހަބޭސް ބޮޑުބެރުއާ ގުޅިގެން ކަސްޓަމަރުންނާއި މުޖުތަމައުއަށް އެފަދަ އަގުހުރި ތަޖުރިބާއެއް ފޯރުކޮށްދިނުމަކީ ލިބޭ ވަރަށް ބޮޑު އުފަލެއް ކަމަށް އެ ކުންފުނިން ބުނެފައިވެ އެވެ.
