އިނގިރޭސިވިލާތުގައި ހިނގި ޖިންސީ ގޯނާގެ މައްސަލައެއްގައި އެ ގައުމުގެ ކޯޓަކުން ހުކުމެއް އިއްވިކަމަށް ބުނާ "ސުންދަރަލިންގަމް ކޫޑަލިންގަމް" އަކީ ދިވެއްސެއްކަމަށް ބުނެ ބައެއް މީޑިއާތަކުން އެ ހަބަރު ވަނީ ގެނެސްދީފައެވެ.
ނޫސްތަކުގައިވާ ގޮތުން، މި ހާދިސާ ހިނގާފައިވަނީ 2023 ވަނަ އަހަރުގެ މާރިޗުމަހު ލަންޑަންގައި ހުންނަ މަސާޖު ޕާލާއެއްގައެވެ. މި މައްސަލާގައި އުމުރުން 36 އަހަރުގެ މި މީހާ ހަތަރު އަހަރަށް ޖަލަށް ލުމަށް ލަންޑަންގެ ކޯޓަކުން ހުކުމުވަނީ ކޮށްފައެވެ.
އެކަމާއި ގުޅިގެން އިމިގްރޭޝަނުން ނެރުނު ނޫސްބަޔާނެއްގައި ބުނީ އެ މައްސަލައާއި ގުޅިގެން ލަންޑަނުގެ ކޯޓަކުން ހުކުމްކޮށްފައިވާ "ސުންދަރަލިންގަމް ކޫޑަލިންގަމް" ކިޔާ މީހައަކީ ދިވެހި ސަރުކާރުގެ ކަމާއި ގުޅުންހުރި އެއްވެސް އިދާރާއެއްގައި ދިވެހި ރައްޔިތެއްގެ ގޮތުގައި ރެކޯޑް ކުރެވިފައިވާ މީހެއް ނޫންކަމަށެވެ.
