އެ އަތޮޅުގެ ނުވަ ރަށެއްގައި މި ހިދުމަތް ރަސްމީކޮށް ފައްޓަވައިދެއްވީ ރައީސް ޑރ. މުހައްމަދު މުއިއްޒު އެވެ.
މިއީ ރާއްޖޭގައި މީހުން ދިރިއުޅޭ ހުރިހާ ރަށެއްގައި އޭޓީއެމް ގާއިމުކުރުމަށް ސަރުކާރާއި ބީއެމްއެލް ގުޅިގެން ކުރިއަށްގެންދާ "މުޅި ރާއްޖެއަށް ބީއެމްއެލް އޭޓީއެމް" މަޝްރޫއުގެ ދަށުންނެވެ. މީހުން ދިރިއުޅޭ ކޮންމެ ރަށެއްގައި އޭޓީއެމްގެ ހިދުމަތް ގާއިމުކުރުމަކީ ރައީސް މުއިއްޒުގެ މުހިންމު ރިޔާސީ ވައުދުފުޅެކެވެ.
މި މަޝްރޫއުގެ ދަށުން ހިދުމަތް ފުރިހަމަވި ނުވަ ވަނަ އަތޮޅަކީ ހދ. އަތޮޅެވެ. މީގެ ކުރިން ހއ، ށ، ނ، ބ، ކ، އއ، ދ އަދި މ އަތޮޅުގެ ހުރިހާ ރަށެއްގައި ވަނީ އޭޓީއެމްގެ ހިދުމަތް ގާއިމުކޮށްފައެވެ. ބީއެމްއެލް އިން ބުނީ އެ ބޭންކުގެ އަމާޒަކީ ޒަމާނީ ބޭންކިންގެ ހިދުމަތްތައް މެދުވެރިކޮށް ރާއްޖޭގެ އެކި ކަންކޮޅުތަކުގައިވާ އާންމުންނާއި ވިޔަފާރިތަކަށް އިތުރު ފަސޭހަތަކެއް ފޯރުކޮށްދިނުން ކަމަށެވެ.
