އިލެކްޝަން ކޮމިޝަނުން ވަނީ އިންތިހާބަށް 260 ވުރެ ގިނަ ވަޒީފާއަށް ހުޅުވާލާފަ އެވެ. އެ ކޮމިޝަނުން ބުނީ މި މަގާމްތަކަށް ކުރިމަތިލާން އެދޭ ފަރާތްތަކަށް ކުރިޔަށް ގެންދާނީ ވޯކް-އިން އިންޓަވިއުއެއް ކަަމަށެވެ. މި އިންޓަވިއުތައް މިއަދާއި މާދަމާ އޮންނާނެކަމަށް އިލެކްޝަންސް ކޮމިޝަނުން ބުނެއެވެ.
ވޯކް-އިން އިންޓަވިއު އޮންނަ ތަނާއި ވަގުތުތައް
- 29 އޮގަސްޓު (މިއަދު) - ކަލާފާނު ސްކޫލްގައި ހަވީރު 4:00 އިން ރޭގަނޑު 10:00 އަށް
- 30 އޮގަސްޓު (މާދަމާ) - ކާމިލް ދީދީ ޕްރައިމަރީ ސްކޫލް (ހުޅުމާލެ ފޭސް 2) ހަވީރު 4:00 އިން ރޭގަނޑު 10:00 އަށް
އިީސީން ބުނީ ވޯކް-އިން އިންޓަވިއުއަށް ހާޒިރުވާއިރު އައިޑީ ކާޑު، ތައުލީމީ ސެޓްފިކެޓް އަދި ސީވީގެ ކޮޕީ ގެނަން ޖެހޭނެކަމަށެވެ.
މި ވޯކް-އިން އިންޓަވިއުގައި ވަޒީފާގެ ފުރުސަތުތަކާގުޅޭ މަޢުލޫމާތު ދިނުމާއި ވަޒީފާއަށް އެދޭ ފޯމް ފުރުމާއި، ރަޖިސްޓަރީކޮށްދިނުމާއި އެޕްލިކޭޝަން ސްކްރީންކުރުމުގެ މަސައްކަތް ކުރިއަށްދާނެކަމަށް އީސީން ބުނެއެވެ. އަދި ޝަރުތު ހަމަވާ ފަރާތްތަކާ އިންޓަވިއުކޮށް ވަޒީފާއަށް އެދޭ މަގާމަށް ބޭނުންވާ ހުނަރުތަކަށް ބިނާކޮށް އަމަލީ ޓެސްޓު ދިނުން އޮންނާނެކަަމަށްވެސް އީސީން ބުނެއެވެ.
އީސީން ހުޅުވާލާފައިވާ މަގާމުތައް
- ޓްރޭނަރުން / 110 މީހުން
- އޮފިސަރު / 165 މީހުން
- ކޮންޓެންޓް ކްރިއޭޓާ / 1
- ސީނިއާ އޮފިސަރު /2 މީހުން
- ޑްރައިވަރު / 04 މީހުން
- މެއިންޓަނަންސް އޮފިސަރު / 2 މީހުން
- ސެކއިުރިޓީ އޮފިސަަރު / 6 މީހުން
- މަސައްކަތު
- ލޮޖިސްޓިކް އޮފިސަރު / 4 މީހުން
- އެސިސްޓެންޓް މާސްޓާ ޓްރޭނާ / 3 މީހުން
- ގްރެފިކްސް ޑިޒައިނަރު / 2 މީހުން
- ޓެކް އޮފިސަރު / 8 މީހުން
- ފޮޓޯ ގްރާފަރު / 2 މީހުން
- އޮފީސް އެސިސްޓެންޓް / 2 މީހުން
މިވަޒީފާތަކަށް ހޮވޭ ފަރާތްތަކަށް، ވަޒީފާގެ މާހައުލުގައި ސަމާލުކަންދޭންވީ ކަންކަމާއި އިންތިހާބެއް ކުރިއަށްދާއިރު ކޮމިޝަނުން ކުރަމުންގެންދާ މަަސައްކަތްތައް ދަސްކޮށް ތަޖުރިބާކޮށްލުމަށް ލިބޭ ފަހި ފުރުސަތަކަށް ވެގެންދާނެކަމަށް އީސީން ބުނެ އެވެ. އަދި ޓީމެއްގެ ގޮތުގައި މަސައްކަތްކޮށް، އެކި ދާއިރާތަކުގެ މަސައްކަތްތައް ދަސްވެގެންދާނެކަމަށްވެސް އީސީން ބުނެ އެވެ.
