
ނިޝާން މުލީގޭ ޝަރަފުގެ އިއްޒަތުގެ ވެރިޔާ ކޮލިގޭ މުހައްމަދު އުމަރު މަނިކު އަވަހާރަވީ މިއަދު ހެނދުނުގެ ވަގުތެއްގައެވެ. މުހައްމަދު އުމަރު މަނިކު އަވަހާރަވީ ސިއްހީ ހާލު ވަރަށް ބޮޑަށް ދެރަވެ، ސިންގަޕޫރުގެ މައުންޓް އެލިޒަބެތު ހޮސްޕިޓަލުގައި ފަރުވާ ހޯއްދަވަމުން ގެންދަވަނިކޮށް މިއަދު ހެދުނު އެގައުމުގެ ގަޑިން 6:30 ގައެވެ.
މުހައްމަދު އުމަރު މަނިކުގެ މައްޗަށް ކުރާ ކަށު ނަމާދު ކުރުން އޮންނާނީ މިއަދު އަސުރަށްފަހު ސިންގަފޫރްގެ މަސްޖިދުލް ޕްސާރާ އަމަންގައެވެ.
އުމަރު މަނިކުގެ މައްޗަށް ރާއްޖޭގައިވެސް ކަށު ނަމާދުކުރުމަށް ވަނީ ނިންމާފައެވެ. ގައިބަށް ކުރާ މި ކަށުނަމާދު އޮންނާނީ އަސުރަށްފަހު އިސްލާމީ މަރުކަޒުގައެވެ.
އުމަރު މަނިކު އުމުރުފުޅުން 78 އަހަރުގައި އަވަހާރަވިއިރު އަނބިކަނބަލަކާއި ދެ ބޭފުޅުން ދުނިޔޭގައި އެބަ ތިއްބެވި އެވެ.
މުހައްމަދު އުމަރު މަނިކަކީ، ރާއްޖޭގައި އެންމެފުރަތަމަ ފަތުރުވެރިކަމުގެ މަސައްކަތް ފެށްޓެވި ބޭފުޅުންގެ ތެރޭގައި ހިމެނިވަޑައިގަންނަވާ ބޭފުޅެކެވެ.