ފުލުހުން މިއަދު ބުނީ އެ ޒުވާނާ މަރުވިކަމުގެ ރިޕޯޓް ފުލުހުންނަށް ލިބިފައިވަނީ މިދިޔަ ހޮނިހިރު ދުވަހު ކަމަށެވެ.
އެ ޒުވާނާގެ ވަނަވަރެއް ވެސް, އަދި އެކަން ހިނގި ރިސޯޓްގެ އެއްވެސް ތަފްސީލެއް ވެސް ފުލުހުން އަދި ނުދެއެވެ.
ފުލުހުން އިތުރަށް ބުނީ އެ ޒުވާނާ މަރުވި ސަބަބު ދެނެގަތުމަށްޓަކައި އޮޓޮޕްސީ ހެދުމަށް ނިންމާފައިވާ ކަމަށެވެ.
ފުލުހުން ބުނެފައިވަނީ، މި މައްސަލައާ ގުޅިގެން ހޯދަންޖެހޭ ހުރިހާ މައުލޫމާތެއް ހޯދުމުގެ މަސައްކަތް މިހާރުވެސް ކުރަމުންދާ ކަމަށާއި، މި މައްސަލަ ވަރަށް ސީރިއަސްކޮށް ބަލަމުންދާ ކަމަށެވެ.
