މީޑިއާ ރިޕޯޓްތަކަށް ބަލާއިރު، އައިފޯން 17 ސީރީސްގެ އަގުތައް ފެށިގެންދަނީ 799 ޑޮލަރުގަ އެވެ. އައިފޯން އެއާގެ އަގު ފެށިގެންދަނީ 999 ޑޮލަރުގަ އެވެ. އައިފޯން 17 ޕްރޯގެ އަގު ފެށިގެންދަނީ 1099 ޑޮލަރުގައި ކަމަށްވާއިރު، 17 ޕްރޯ މެކްސްގެ އަގު ފެށިގެންދަނީ 1199 ޑޮލަރުގަ އެވެ. އައިފޯން 17 ޕްރޯ މެކްސް ގައި 2ޓީބީގެ ކޮންފިގަރޭޝަން ވެސް ލިބެން ހުންނާނެއެވެ.
އައިފޯން 17 ގައި ވަރަށް ބޮޑެތި ކުރިއެރުންތަކެއް ކެމެރާއަށް ގެނެސްފައިވާއިރު، މި ފޯނުގައި 48 މެގާޕިކްސެލްގެ ފިއުޝަން އަލްޓްރާ ވައިޑް ކެމެރާއެއް ހިމެނެ އެވެ. މީގެ އިތުރުން 12 މެގާޕިކްސެލްގެ 1އެކްސް މެކްރޯ ކެމެރާއަކާއި، 48 މެގާޕިކްސެލްގެ ފިއުޝަން މެއިން ކެމެރާއެއްވެސް ހިމެނެ އެވެ.
މި ހުރިހާ ފޯނަކަށް ވެސް ހުކުރު ދުވަހުން ފެށިފެން ޕްރީއޯޑާކުރެވޭނެ އެވެ. އަދި މި މަހުގެ 19 ވަނަ ދުވަހުން ފެށިގެން ލިބޭނެ އެވެ.
އައިފޯން 17
އެޕަލް އިން މިހާތަނަށް އުފެއްދި އެންމެ ތުނި ފޯނާއި އެންމެ ވަރުގަދަ ފޯނާ އެކު އެ ކުންފުނިން ދެން ދައްކާލި އާ ބައެއް އުފެއްދުންތަކަކީ
- އެޕަލް ވޮޗް ސީރީސް 11
- އެޕަލް ވޮޗް އެސްއީ 3
- އެޕަލް ވޮޗް އަލްޓްރާ 3
- އައިފޯން 17
- އައިފޯން އެއާ
- އައިފޯން 17 ޕްރޯގެ އިތުރުން ބޮޑެތި ސައިޒު ކަމަށްވާ ޕްރޯ މެކްސް
އެޕަލް ވޮޗް ސީރީޒް 11
އެޕަލް އިން މިރޭ ބޭއްވި އިވެންޓުގައި އެ ކުންފުނީގެ ސީއީއޯ، ޓިމް ކުކް ވިދާޅުވީ، ނެރުނު އެއާޕޮޑްސް ޕްރޯ 3 އާއި އެޕަލް ވޮޗް ސީރީސް 11 އާއި އައިފޯން 17 ޕްރޯ އަކީ މިހާތަނަށް އެކުންފުނިން އުފެއްދި އެންމެ ކާމިޔާބު، އަދި އެންމެ ފީޗާސްތައް ގިނަ، ވަރުގަދަ ފޯނު ކަމަށެވެ.
