ތ. ގުރައިދޫ ސިއްހީ މަރުކަޒު ހޮސްޕިޓަލަކަށް ބަދަލު ކުރުމަށް އަޅާ އިމާރާތުގެ އަމަލީ މަސައްކަތް މިއަދު ފަށާ އެ ރަށަށް ގިނަ ވައުދުތަކެއް ސަރުކާރުން ވެއްޖެ އެވެ.
Advertisement
ގުރައިދޫ ސިއްހީ މަރުކަޒުގެ މި މަޝްރޫއަކީ ވެސް، ރައްޔިތުންނަށް ދެވޭ ސިއްހީ ހިދުމަތްތައް ފުޅާކޮށް، އެތަންތަން އިތުރަށް ތަރައްގީ ކުރުމަށް ސަރުކާރުން ކުރައްވާ މަސައްކަތްތަކުގެ މުހިންމު ބައެކެވެ.
ޖުމުލަ 30 އެނދުގެ ހޮސްޕިޓަލުގެ ބިންގާ އެޅީ ރައީސް ޑރ. މުހައްމަދު މުއިއްޒު މިހާރު ތ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ. ބިންގާ އަޅުއްވައި ދެއްވީ ހެލްތު މިނިސްޓަރު އަބްދުﷲ ނާޒިމް އިބްރާހިމް އެވެ.
ސަރުކާރުން ރޭ ވަނީ ތ. އަތޮޅުގެ ތިން ވަނަ އެއާޕޯޓް ގުރައިދޫގައި އަޅަން އެމްއޭސީއެލްއާ ހަވާލުކޮށްފަ އެވެ.
ތ. ގުރައިދޫއަށް ރައީސް ވަޑައިގެން ރައްޔިތުންނާ ބައްދަލުކުރެއްވުން - ފޮޓޯ: ރައީސް އޮފީސް
ރައްޔިތުންނާ ވާހަކަ ދައްކަވަމުން ރައީސް މުއިއްޒު ރޭ ވިދާޅުވީ ގުރައިދޫ އެއާޕޯޓުގެ މަސައްކަތް 22 މަސް ތެރޭގައި ނިމޭނެ އެވެ. އަދި 2027 ވަނަ އަހަރުގެ މިނިވަން ދުވަހާ ދިމާކޮށް، ޖުލައި 26 ގައި އެއާޕޯޓް ހުޅުވާނެ ކަަމަށް ވެސް އެމަނިކުފާނު ވިދާޅުވި އެވެ.
"މޯލްޑިވްސް އެއާޕޯޓްސް ކޮމްޕެނީ ލިމިޓެޑާއި މިއަދު މި ހަވާލުކުރެވުނު އެއާޕޯޓުގެ މަޝްރޫއުގެ މަސައްކަތް މާދަމާ ފަށައިގެން 22 މަސްދުވަހުގެ ތެރޭގައި އަޅުގަނޑުމެން މި މަސައްކަތް ނިންމާ ހަވާލުކުރާނަން." ރައީސް ވިދާޅުވި އެވެ.
ގުރައިދޫ އެއާޕޯޓުގެ އިތުރުން އެ ރަށަށް ރައީސްގެ އިތުރު ބައެއް ވައުދުތައް:
- ގުރައިދޫގެ ބިމަށް ހަތް ހެކްޓަރު އިތުރު ކުރާނެ ކަމަށް ރައީސް ވިދާޅުވި.
- ގުރައިދޫގައި 100 ހައުސިން ޔުނިޓު އަޅަން އަންނަ އަހަރުގެ ބަޖެޓުގައި ހިމަނާނެ
- އައިޑީ ކާޑާއި ޕާސްޕޯޓު ދޫކުރުމުގެ ކަންކަން މި އަހަރުގެ ނޮވެމްބަރުމަހު ފަށާނެ.
- ފިޓްނަސް އެންޑް ރެކްރިއޭޝަން ސެންޓަރުގެ މަސައްކަތް ފަށަން އޮތީ ތާވަލް ކޮށްފައި ކަަމަށް ރައީސް ވިދާޅުވި.
- އައިޑީ ކާޑާއި ޕާސްޕޯޓު ދޫކުރުމުގެ ކަންކަން މި އަހަރުގެ ނޮވެމްބަރުމަހު ފަށާނެ.
- މަގުތައް ހެދުމުގެ މަސައްކަތް ބަޔަކާ ވަނީ ހަވާލުކޮށްފައި
- ޒަމާނީ ފުޓުބޯޅަ ދަނޑެއް ހަދައިދޭނެ ކޮށްދޭނެ ބަޔަކު ހޯދަން ވަނީ އިއުލާންކޮށްފައި
