އެޗްޑީސީން ނެރުން ނޫސް ބަޔާނެއްގައިވާ ގޮތުން ހުޅުމާލޭގެ އެކި ސަރަހައްދުތަކުގައި އެ ކުންފުނިން ނަގަންޖެހޭ ހުއްދަ ނެގުމެއް ނެތި އިވެންޓުތަކާއި ފެއާތައް ބޭވުމަށް ރާއްވާ ސްޓޯލްތައް ވިއްކަމުން ދާ ކަމުގެ މައުލޫމާތު ލިބިފައިވާ ކަމަށެވެ.
އެހެންކަމުން ހުޅުމާލޭގައި ބާއްވާ އެއްވެސް އިވެންޓަކުން ސްޓޯލް ގަތުމުގެ ކުރިން އެކަން ރާއްވާ ހިންގަމުން ދަނީ އެ ކުންފުނިން ނަގަން ޖެހޭ ހުއްދަ ނަގައިގެންތޯ އެ ކުންފުނީގެ ޕާމިޓްސް އެންޑް ސާވިސަސް ޝެކްސަންގެ ނަމްބަރު 3356112 އަށް ގުޅައިގެން ޔަގީން ކުރުމަށް އެ ކުންފުނިން ވަނީ އެދިފައި އެވެ.
އެޗްޑީސީން އިތުރަށް ބުނީ 14 މެއި 2025 ގައި އާންމުކޮށްފައިވާ އިއުލާނާ އެއްގޮތަށް ހުޅުމާލޭގައި ފެއާ/ނައިޓް މާކެޓް އަދި މަގުމަތީ ބާޒާރު ހިންގުމަށް ސަރަހައްދު ދޫކުރުން ވަގުތީގޮތުން ހުއްޓާލާފައިވާ ކަމަށެވެ. އަދި އެކަން ސަމާލުކަމަށް ގެންނަން ބޭނުންވާ ކަމަށެވެ.
ހުޅުމާލެ އަކީ ރާއްޖޭގައި މިހާރު އެންމެ ބާރަށް ކުރިއަރަމުން އަންނަ އަދި އާބާދީ ވެސް ވަރަށް ބޮޑަށް އިތުރުވަމުން އަންނަ ތަނެވެ.
