މި މަހުގެ 24 ވަނަ ދުވަހުން ފެށިގެން ދިޔަ މި ކާނިވަލް މި އަންނަ މަހުގެ 2 ވަނަ ދުވަހާއި ހަމަޔަށް ކުރިޔަށް ދާނެ އެވެ.
މި ކާނިވަލް ކުރިޔަށް ދަނީ މާލޭ ސިޓީ ކައުންސިލްގެ އިދާރާ ތެރޭގައި އެވެ.
މި ކާނިވަލްގެ ތެރޭގައި އެކި އުމުރުފުރާތަކަށް ހާއްސަ އެކި އެކި އާކޭޑް ގޭމްސް އަދި އެކި ކަހަލަ ސްޓޯލްތައް ހުޅުވާލެވިފައި ހުންނާނެ ކަމަށް ކާނިވަލް އިންތިޒާމް ކުރި ޓުމޯރޯ އައިލެންޑުން ބުނެ އެވެ.
މިކަން އިންތިޒާމް ކޮށްފައިވަނީ އާންމުންނަށް ކާނިވަލެއްގެ އެކްސްޕީރިއެންސް ފޯރުކޮށްދިނުމަށް ކަމަށް އެ ބޭފުޅުން ބުނެ އެވެ.
މީގެ އިތުރުން ރޭގަނޑު ބޮޑުބެރު އަދި މިއުޒިކް ސޯ ތަކެއް ކުރިޔަށް ދާނެ ކަމަށް އެ ބޭފުޅުން މައުލޫމާދެ އެވެ.
ވަނުން މުޅިން ހިލޭ ކަމަށާއި ނަމަވެސް ގޭމްތަކުގައި ބައިވެރިވާ ނަމަ އެ ގޭމް ތަކަށް ޓިކެޓް ނަގަން ޖެހޭނެ ކަމަށް އެ ބޭފުޅުން މައުލޫޫމާތުދެ އެވެ.
ގޭމް ތަކުގެ ޓިކެޓުގެ އަގުތަކަށް ބަލާ އިރު ކުޑަކުދިންގެ ގޭމް ތަކަށް 35 ރުފިޔާއަށް ޓިކެޓް ލިބޭ އިރު ދެން ހުރި ގޭމްތަކަށް 50 ރުފިޔާ އަށް ޓިކެޓް ލިބޭނެ ކަމަށް އެ ބޭފުޅުން ބުނެ އެވެ.
ކާނިވަލްގެ ތެރެއިން
މި ކާނިވަލްގެ ތެރޭގައި ފޮޓޯ ބޫތެއްވެސް ބެހެއްޓިފައިވާނެ ކަމަށް އެ ބޭފުޅުން ފާހަގަ ކުރެ އެވެ.
މި އިވެންޓުގެ މެއިން ޕާޓްނަރަކީ މާލޭ ސިޓީ ކައުންސިލް ކަމަށާއި ޕްރިމިއަމް ޕާޓްނަރަކީ މެލްޓްސް ކަމަށް ޓުމޯރޯ އައިލެންޑުން ބުނެ އެވެ.
މި ކާނިވަލް ހުޅުވިފައިވާނީ ހުންނާނީ ހަވީރު 4 ކުން ފެށިގެން ރޭގަނޑު 12 ޖަހަންދެން ކަމަށް އެ ބޭފުޅުން ބުނެ އެވެ.
އެ ބޭފުޅުން ފަހަގަ ކުރާ ގޮތުގައި އާންމުންގެ ތަރުހީބު ވަރަށް ބޮޑަށް ލިބެމުންދާތީ މި އަންނަ މަހުގެ 4 ވަނަ ދުވަހާއި ހަމަޔަށް މި ފެއާ ކުރިޔަށް ގެންދަން ވިސްނަމުން ދާ ކަމަށެވެ.
ކުރިޔަށް އޮތްތަނުގައި މިއަށް ވުރެން ބޮޑު ކޮށް އަދި މާ ފުރިހަމަކޮށް ފެއާ އެއް ބާވަން ވިސްނަމުން އަންނަ ކަމަށް އެ ބޭފުޅުން ފާހަގަ ކުރެއްވި އެވެ.
އެ ބޭފުޅުން ވިދާޅުވި ގޮތުގައި އެ ފެއާގެ ސްޓޭޖްގެ ވަނީ ހުރިހާ ބޭފުޅުންނައް ވެސް ހުޅުވާލެވިފައި ކަމަށާއި ޓްލެޓް ދައްކާލަން ބޭނުންވާ ފަރާތަކުން އެ ބޭފުޅުންނާއި ވާހަކަ ދައްކާލުމުން އެ ފުރުސަތު ލިބިގެންދާނެ ކަމަށެވެ.
