އިންޑިއާގެ ހޯމް މިނިސްޓްރީއާ ހަވާލާދީ އެ ގައުމުގެ ނޫސްތަކުގައިވާ ގޮތުން، މިހާރު އެއާޕޯޓަށް ގޮސް، އެރައިވަލް ފޯމެއް އަތުން ފުރަން ޖެހުމުން ކިޔޫތައް ދިގުވެ، ލަސްތައް ދިމާވެ އެވެ.
އިންޑިއާގެ އިމިގްރޭޝަނުން ބުނި ގޮތުގައި އެ ގައުމަށް ދަތުރުކުރުމުގެ 72 ގަޑިއިރު ކުރިން މި ކާޑު އޮންލައިންކޮށް ފުރައި ހުށަހެޅޭނެ އެވެ.
އީ-އެރައިވަލް ކާޑު އެ ގައުމުގެ އިމިގްރޭޝަންގެ ރަސްމީ ވެބްސައިޓު މެދުވެރިކޮށް ފުރައިލެވޭނެ އެވެ.
އެ ބަދަލުތައް ގެނައުމަކީ އެއާޕޯޓުގައި ގިނަ ވަގުތުވާ ކަންތައްތައް މަދުކުރުމާއި، ކަރުދާސް ބޭނުން ކުރުން މަދުކުރުން ކަމަށް އެ ގައުމުގެ ނޫސްތަކުގައި ވެއެވެ.
މި ބަދަލާއިއެކު އިންޑިއާ އަށް މަސައްކަތްކުރަންދާ މީހުންނާއި ޓޫރިސްޓުންނާއި ކިޔަވަންދާ ކުދިންނާއި ވިޔަފާރީގެ ބޭނުމަށްދާ މީހުން ވެސް މި ޑިޖިޓަލް ކާޑު ފުރަން ޖެހޭނެ އެވެ. އިންޑިއާ އަކީ ގިނަ ދިވެހިން ގޮސް އުޅޭ އެއް ގައުމުމެވެ.
