ކެޑޭޓާއި ސްކައުޓް އަދި ގާލް ގައިޑް ދަރިވަރުން ކޭމްޕު ކުރުމަށް ހާއްސަ ސަރަހައްދު ހުޅުވައިދެއްވީ ރައީސް މުހައްމަދު މުއިއްޒު އެވެ.
ކްރޮސްރޯޑްސްގައި އޮންނަ މި ސަރަހައްދު ހުޅުއްވާ ދެއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވީ، މާލެ ސަރަހައްދުގެ ދަރިވަރުންނަށް ކޭމްޕިން ގްރައުންޑެއް ނެތި 15 އަހަރު ވެއްޖެ ކަމަށެވެ. ދަރިވަރުންނަށް އެކި ހުނަރުތަކާއި ގާބިލުކަން ލިބިފައިވާކަން ކަށަވަރުކުރުމަށް، ކެޑޭޓާއި ސްކައުޓާއި ގާލްގައިޑަކީ މުހިންމު ހަރަކާތްތައް ކަމަށް ރައީސް ގަބޫލުކުރައްވާ ކަމަށް މިނިސްޓަރު ވިދާޅުވި އެވެ.
ކްރޮސްރޯޑްސްގައި ގާއިމްކުރި ކޭމްޕިން ގްރައުންޑް ރައީސް މުއިއްޒު މިއަދު ހުޅުއްވައި ދެއްވާއިރު އަރިހުގައި އެޑިއުކޭޝަން މިނިސްޓަރު އިސްމާއިލް - ފޮޓޯ: ރައީސް އޮފީސް
މިނިސްޓަރު އިތުރަށް ވިދާޅުވީ ކުދިންގެ ހުނަރުތައް ތަރައްގީކުރުމަށް މިތަނުގެ ބޭނުން ފުރިހަމައަށް ހިފުމަށް މަސައްކަތްކުރައްވާނެ ކަމަށެވެ.
ކޭމްޕް ތަރައްގީކޮށްފައިވަނީ 3 ހެކްޓަރުގެ ސަރަހައްދެއްގަ އެވެ. އެތަނުގައި އެޑްމިން އޮފީހަކާއި، ފަސްޓް އެއިޑް ރޫމަކާއި ދުވަހު ކޮޓަރިއާއި މިސްކިތެއް ހުރެއެވެ.
މީގެ ކުރިން ސްކޫލު ކުދިން ކޭމްޕު ދާން ބޭނުންކުރި ކުޑަ ބަނޑޮހާއި ފޭދޫ ފިނޮޅުގައި މިހާރު އޮންނަނީ ރިސޯޓު ތަރައްގީކޮށްފަ އެވެ.
