މަޖިލީހުން ކޮމިޝަނަށް ކުރިމަތިލާން ހުޅުވާލި ފުރުސަތު ހަމަވީ އިއްޔެ މެންދުރަށެވެ. އެ ފުރުސަތުގައި ކުރިމަތިލި 10 މީހުންނަކީ:
އޭގެތެރެއިން އިބްރާހިމް އަކީ އުވާލި މީޑިއާ ކައުންސިލްގެ ނައިބު ރައީސް އެވެ. އަދި، ރިލްވާން، ސަރާހަތު އަދި ސަފާ އަކީ އުވާލި ބްރޮޑްކާސްޓިން ކޮމިޝަނުގެ މެންބަރުންނެވެ.
މި ނަންތައް މިހާރު ވަނީ މިނިވަން މުއަައްސަސާތަކުގެ ކޮމިޓީއަށް ފޮނުވާފަ އެވެ. އެ ކޮމިޓީން މި މީހުންނާއި އިންޓަވިއުކޮށް މާކްސް ދޭނެ އެވެ. ކޮމިޝަނަށް އައްޔަންކުރާ މީހުން ތަޅުމުން ނިންމާނީ ކޮމިޓީ މަރުހަލާއަށްފަހު އެވެ.
މީޑިއާ އެންޑް ބްރޯޑްކާސްޓިން ކޮމިޝަން އެކުލެވޭނީ 7 މެމްބަރުންގެ މައްޗަށެވެ. އޭގެ ތެރެއިން ތިން މެމްބަރުން ރައްޔިތުންގެ މަޖިލީހުން ކަނޑައަޅާއިރު، ބާކީ 4 މެމްބަރުން ހޮވަނީ މީޑިއާތަކުގެ މެދުގައި ވޯޓުންނެވެ.
މީޑިއާތަކުގެ ފަރާތުން ހަތަރު މެމްބަރަކު ވަނީ ހޮވިފަ އެވެ. އެ މެމްބަރުން ހޮވުނީ، ކުރިމަތިލެއްވި ބޭފުޅުންގެ އަދަދު މަދުވުމުން އިންތިހާބަކާ ނުލަ އެވެ.
