ޓްރަމްޕަ މިހެން ވިދާޅުވެފައިވަނީ މި ވަނީ ހަމަލާ ހުއްޓާލާ ސުލްހަ އަށް އެއްބަސްވެ ދެ ގައުމުން ވެފައިވާ އެއްބަސްވުމާއި އެއްގޮތްވާ ގޮތުގެ މަތިން އިޒްރާއިލް އަދި ފަލަސްތީނުންވެސް އެ ދެ ގައުމުން ހައްޔަރުކޮށްފައިވާ އަސީރުން މިނިވަން ކޮށްފައިވަނިކޮށެވެ.
އަސީރުން ބަދަލުކުރިތާ މާ ގިނައިރުތަކެއް ނުވެ ޓްރަމްޕް ވަނީ މިސްރުގެ ޝާމް އަލްޝައިހުގައި މުސްލިމް ގައުމުތަކުގެ އިސްވެރިނާއި ވިލާތުގެ ގައުމުތަކުގެ އިސްވެރިންނާ ބައްދަލުކުރައްވައި އައްޒާގެ ކުރިމަގާމެދު މަޝްވަރާ ކުރައްވައިފައެވެ.
ނަމަވެސް އެ ބައްދަލުވުމުައި ސައުދީ އަރަބިއްޔާއާއި އެކުވެރި އަރަބި އިމާރާތުން ބައިވެރިވެފައެއް ނުވެއެވެ.
އަދި ޔަހޫދީންނާއި ހަމާސުން ވެސް ބައިވެރިވެފައެއް ނުވެއެވެ.
އެއްބަސްވުމުގެ ކުރިއަށް އޮތް މަރުހަލާތަކާމެދު ޔަހޫދީންނާއި ހަމާސުން މިހާތަނަށް ގޮތެއް ނިންމާފައި ނުވާ ނަމަވެސް ސަރަހައްދީ ސުލްހަ ގާއިމްކުރުމާ ގުޅޭ ގޮތުން ވެސް އެ ބައްދަލުވުމުގައި މަޝްވަރާކޮށްފައިވެއެވެ.
އެ ބައްދަލުވުމުގައި އައްޒާގެ ހިންގުމާއި، ސަލާމަތީ ކަންކަމާއި އެ ސަހަރު އަލުން އާރާސްތުކުރުމާ ގުޅޭގޮތުން މަޝްވަރާކޮށްފައިވާ ކަމަށް ހަބަރު ވަނީ ލިބިފައި އެވެ.
އެއްބަސްވުމާ އެއްގޮތަށް ހަމާސްގެ ބެލުމުގެ ދަށުގައި ތިބި 20 އަސީރުން އެ ޖަމާއަތުން މިނިވަންކޮށްފައިވާއިރު، ޔަހޫދީ ޖަލުތަކުގައި ތިބި ފަލަސްޠީނުގެ 250އެއްހާ ގައިދީންނާއި ހަނގުރާމައިގެ ދުވަސްވަރު ޔަހޫދީންގެ ބެލުމުގެ ދަށަށް ގެންގޮސްފައިވާ 1700 އެއްހާ މީހުން ވެސް ވަނީ މިނިވަންކޮށްފަ އެވެ.
ނަމަވެސް ޔަހޫދީން ވަނީ އޭގެ ތެރެއިން ގިނަ އަދަދެއްގެ މީހުން އަނބުރާ ފަލަސްތީނަށް ނާދެވޭ ގޮތަށް އެހެން ގައުމުތަކަށް އަރުވައިލުމަށް ނިންމާފައެވެ.
ފާއިތުވި ދެ އަހަރު ޔަހޫދީން ގައްޒާއަށް ދެމުންދިޔަ ހަމަލާތަކުގައި ގައްޒާގެ 68،000 މީހުން ވަނީ ޝަހީދުވެފަ އެވެ. ހަމަލާތަކުގައި މުޅި ގައްޒާ ވަނީ ސުންނާފަތިވެ ބިމާ ހަމަވެފައެވެ.
ހަނގުރާމަ ހުއްޓައިލުމުގެ ފުރަތަމަ މަރުހަލާ ކުރިއަށްދާއިރު، ހަމާސުން ވަނީ އެ ޖަމާއަތުގެ ބެލުމުގެ ދަށުގައި ތިއްބާ މަރުވެފައިވާ 26 ޔަހޫދީ އަސީރުންގެ ހަށިތައް ވަޅުލާފައިވާ ސީދާ ސަރަހައްދުތައް ނޭނގޭތީ އެ ހަށިތައް ޔަހޫދީންނާ ހަވާލުކުރުމުގައި ދަތިތަކެއް ހުރި ކަމަށް ބުނެފަ އެވެ.
