މިދިޔަ ހުކުރު ދުވަހު އެމެރިކާގެ ރައީސް ޑޮނާލްޑް ޓްރަމްޕާއި ބައްދަލަކުރައްވުމަށް ފަހު ނޫސްވެރިންނާއި ބައްދަލުކުރައްވާ ޒެލެންސްކީ ވިދާޅުވީ މިފަދަ މިސެއިލްތަކެއް ޔޫކްރެއިން އަށް ލިބިއްޖެނަމަ ދެން ވާނެ ގޮތަކާއި މެދު ރަސިޔާގެ ރައީސް ޕޫޓިން ބިރުފުޅު ގަނޭ ކަމުގަ އެވެ.
އެ ބައްދަލުވުން 2 ގަޑިއިރަށް ދެމިގެންދިޔަ އިރު މި ބައްދަލުވުމުގެ ތެރެއިން 3 އަހަރަށް ދެމިގެންގޮސްފައިވާ ޔޫކްރެއިން ރަސިޔާ ހަނގުރާމަގެ ސަބަބުން އެ ފަދަ މިސެއިލް ތަކެއް ޔޫކްރެއިން އަށް ބޭނުންވާ ކަމަށް ޒެލެންސްކީ ވަނީ ޓްރަމްޕް ގާތުގައި ވިދާޅުވެފައި އެވެ.
ޒެލެންސްކީ ބުނީ ޓްރަމްޕް އަދި އެ ކަމާއި ގުޅިގެން "އާން" ބަސް ވިދާޅުވެފައި ނުވިނަމަވެސް "ނޫނެކޭ" ވެސް ވިދާޅުނުވާ ކަމުގަ އެވެ.
ޒެލެންސްކީ ވިދާޅުވީ މި ހަނގުރާމަ ނިމުމާ ގާތަށް ޓްރަމްޕް ގެންނަވާނެ ކަމުގަ އެވެ. ރަޝިޔާއިން ފެށި އަދި ގަސްތުގައި ދިގުދެމިގެންދާ އަނިޔާވެރިކަން ނިންމާލަން ޖެހޭނެ ކަމަށާއި އެމެރިކާގެ ޕްރެޝަރުގެ ސަބަބުން މި ހަނގުރާމަ ހުއްޓިގެންދާނެ ކަމަށް ބެލެވޭ ކަމަށް އޭނާ ވިދާޅުވި އެވެ. މި ބައްދަލުވުމަށް ޓްރަމްޕް ވިދާޅުވީ ރަޝިޔާގެ ސަރަހައްދުގެ އެތެރެއަށް ހަމަލާ އަމާޒުކުރުމަކީ "އެސްކޭލޭޝަން" އެއް ކަމަށް ކަށަވަރުކޮށްދެއްވާފަ އެވެ.
އޭނާ ފާހަގަ ކުރެއްވިގޮތުގައި ދެ ގައުމުގެ ދެމެދުގައި ބޮޑެތި ހަމަލާތަކެއް ނުކޮށް މިކަން ނިމުނީޔާ މާ ރަނގަޅު ކަމަށާއި އެދެނީ މިސެއިލް ބޭނުން ނުކޮށް މިކަންކަން ނިންމާލުން ކަމަށް ޓްރަމްޕް ވިދާޅުވި އެވެ.
