އުމުރުން 12 އަހަރުގެ ނޯތު ޓިކްޓޮކްގައި ދައްކާލި މި ލުކާ ގުޅިގެން ގިނަ ބަޔަކު ދަނީ ތަފާތު ހިޔާލުތައް ފާޅުކުރަމުންނެވެ.
ނޯތު ޕޯސްޓުކުރި ވީޑިއޯތަކުން ފެންނަނީ އޭނާގެ އިސްތަށިގަނޑުގައި ނޫކުލައިގެ ބްރެއިޑްސް ޖަހައި، ކުލަ ކޮންޓެކްޓް ލެންސް އަޅައި، އަދި މޫނުގައި ފޭކް ޓެޓޫ އާއި ޕިއާސިން ޖަހާފައި ހުއްޓައެވެ. މީގެ އިތުރުން، އޭނާ ވަނީ ދަތްތަކުގައި ގްރިލްޒް ވެސް އަޅާފައެވެ. މި ސްޓައިލާ ގުޅިގެން ސޯޝަލް މީޑިއާގައި ބައެއް މީހުން ބުނަމުން ދަނީ އެއީ ނޯތުގެ އުމުރާ ނުގުޅޭ ވަރުގެ މާ ދޮށީ ސްޓައިލެއް ކަމަށެވެ.
ނަމަވެސް، ގިނަ ބަޔަކު ދަނީ ނޯތުގެ އުފެއްދުންތެރިކަން ދިފާއުކޮށް ވާހަކަ ދައްކަމުންނެވެ. މި ފާޑުކިޔުންތަކަށް ރައްދު ދެމުން، ނޯތުގެ މަންމަ، ކިމް ކާޑޭޝިއަން ބުނީ، އޭނާގެ ދަރިފުޅުގެ އުފެއްދުންތެރިކަމަށް އެއްވެސް ހުރަހެއް ނާޅާނެ ކަމަށެވެ. "އޭނާ ބޭނުންވަނީ ނޫކުލައިގެ އިސްތަށިގަނޑެއް ނަމަ، އެއީ މައްސަލައެއް ނޫން... އަހަރެން ދުވަހަކުވެސް އޭނާގެ އެ އުފެއްދުންތެރިކަން ނިގުޅައެއްނުގަންނާނަން،" ކަމަށް ކިމް ބުންޏެވެ.
