މިއަދު ރައްޔިތުންގެ މަޖިލީހުގެ ޖަލްސާގައި ހުޅުމާލެ އުތުރު ދާއިރާގެ އެމްޑީޕީ މެމްބަރު ޑރ. އަހުމަދު ޝަމްހީދު މަޖިލީހުގައި މިނިސްޓަރު ޝަހީމާ ކުރެއްވި ސުވާލެއްގައި ވިދާޅުވީ ހުޅުމާލޭ މިސްކިތްތަކުގައި ބަންގީގެ އަޑު ވަރަށް މަޑުކަމަށެވެ. އަދި އެކަން ރަނގަޅުކޮށްލަދެއްވަން އޭނާ އެދިވަޑައިގަތެވެ.
މި ވާހަކަތަކަށް ޖަވާބު ދެއްވަމުން މިނިސްޓަރު ޝަހީމް ވިދާޅުވީ މިނިސްޓްރީން އަންގާފައިވާނީ ބަންގީގެ އަޑު ވީހާވެސް ދުރަށް އިއްވުމަށްކަމަށެވެ. އަދި ހުޅުމާލޭ މިސްކިތްތައް ބަލަހައްޓަނީ މާލޭ ސިޓީ ކައުންސިލުންކަމަށާއި ސިޓީ ކައުންސިލުގައި އެތިބޭ ބަޔަކު ގޮސްގެން އަޑު މަޑުކުރާ ގޮތް ހެދުމަކީ މިނިސްޓްރީއާ ބެހޭ ކަމެއް ނޫންކަމަށް މިނިސްޓަރު ޝަހީމް ވިދާޅުވިއެވެ.
އަދި މެމްބަރު ޝަމްހީދަށް މަލާމަތް ރައްދުވާ ގޮތަށް ޝަހީމް ވަނީ ބައެއް ބަސްތައް ވިދާޅުވެފައެވެ.
މި ވާހަކަކަށް ރައްދުދެއްވާ މާލޭ މޭޔަރު އާދަމް އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ ޝަހީމް ކަނޑައެޅިގެން ހެއްދެވީ އިތުރުފުޅެއްކަމަށެވެ.
މިއަދުގެ މަޖިލީހުގައި ވާހަކަ ދައްކަވަމުން ޝަހީމް ވަނީ މިދިޔަ ސަރުކާރުން ދެ ހުތުބާއެއް ނުކިޔާ ފޮރުވިކަމަށްވެސް ވިދާޅުވެފައެވެ. އެހެންނަމަވެސް މި ވާހަކަތައްވެސް މިދިޔަ ސަރުކާރުގެ އިސްލާމިކް މިނިސްޓަރު ޑރ ޑރ. އަހްމަދު އަލީ ޒާހިރު ވަނީ ދޮގުކުރައްވާފައެވެ.
