ޕްރޮސެކިއުޓާ ޖެނެރަލްގެ އޮފީހުން އާންމު ކޮށްފައިވާ ގޮތުގައި ކިންގްސް ހޯލްޑިންގްސްގެ މައްޗަށް މި ދައުވާތައް ކޮށްދިނުމަށް އެދި ކްރިމިނަލް ކޯޓަށް ހުށަހެޅީ 23 ނޮވެމްބަރު 2023، ގަ އެވެ. މި މައްސަލައިގައި ޕީޖީ އިން ދައުވާ ކޮށްދިނުމަށް އެދިފައިވަނީ ޝަޒްބާން ފަހުމީ, ސަހުބާން ފަހުމީ, އަދި އަލްހާން ފަހުމީގެ މައްޗަށެވެ.
މި ދައުވާތައް އަނބުރާ ގެންދިޔުމަށް ޕީޖީ އިން ނިންމާފައިވަނީ, މި ދައުވާތައް ކޯޓުގައި ހިނގަމުންދަނިކޮށް ދައުވާލިބޭ ފަރާތްތަކުން ކުރިކަމަށް ތުހުމަތުކުރެވޭ ކުށާ ގުޅިގެން ބަދަލު ލިބެންޖެހޭ 13 ފަރާތަށް ބަދަލުދީ ފައިސާ ހަލާސްކޮށްފައިވާތީ އެވެ.
މި މައްސަލައިގައި ބަދަލު ލިބެން ޖެހޭ މީހުންގެ ތެރެއިން ފައިސާ އަނބުރާ ނުލިބިވާ މީހުންނަށް ޖިނާއީ އަދުލުގެ ނިޒާމުގެ ތެރެއިން ބަދަލު ހޯދައި ދިނުމުގެ މަސައްކަތް ކެނޑިނޭޅި ކުރިއަށްދާ ކަމަށް ވެސް ޕީޖީ އޮފީހުން ބުންޏެވެ.
އަލްހާން، ޝަހުބާން އަދި ޝަޒްބާނަށް ކުރާ ދައުވާތައް ޕީޖީ އޮފީހުން އަނބުރާ ގެންދިޔަ އިރު ޓެކުމުގެ ހުރިހާ ދައުވާތަކަށް އެ ތިން މީހުން ވެސް އިންކާރުކޮށްފައިވެ އެވެ. އަދި ކުންފުނީގެ ގާނޫނުގައި ބަޔާންކުރާ "ކޯޕަރޭޓް ވެއިލް" ގެ ދަށުން މައްސަލަ ބޭރުކޮ ށްދިނުމަށް އެދިފައިވެ އެވެ.
ނަމަވެސް ކުރިމިނަލް ކޯޓުން މި އަހަރުގެ ފެބްރުއަރީ މަހުގެ 11 ވަނަ ދުވަހު ނިންމީ މައްސަލަ ކުރިއަށް ގެންދެވޭނެ ކަމަށެވެ.
