މިރޭ ބޭއްވި އެމްޑީޕީގެ ގައުމީ މަޖިލީހަށް އެއްވުން ލަސްކުރުމާމެދު ގޮތެއް ނިންމަން އެދި ފޮނުވީ އެ އެއްވުން ރޭވުމަށް އެކުލަވާލި ކޮމިޓީންނެވެ. ކޮމިޓީން އެދުނު ގޮތަށް އެއްވުން ލަސްކުރަން ފާސްވީ ބައްދަލުވުމުގައި ބައިވެރިވި ގައުމީ މަޖިލިސް މެންބަރުންގެ އިއްތިފާގުންނެވެ. ނަމަވެސް، ދެން އެއްވުން އޮންނާނެ ދުވަހެއް ހާމައެއް ނުކުރެ އެވެ.
ގައުމީ މަޖިލީހުގެ ރިޔާސަތުގައި މިރޭ އިންނެވި އެމްޑީޕީގެ ޗެއާޕާސަނުގެ ނައިބު އިބްރާހިމް ވަހީދު (އިބްރޭ) ވިދާޅުވި ގޮތުގައި އެއްވުން ރޭވުމަށް ކުރި މަސައްކަތްތަކަށް ސަރުކާރުން އަންނަނީ އެކި ގޮތްގޮތުން ހުރަސް އަޅަމުންނެވެ.
އެމްޑީޕީގެ އެއްވުމަށް ހުރަސް އަޅަނީ ހޯމްލޭންޑް ސެކިއުރިޓީ މިނިސްޓަރު އަލީ އިހުސާންގެ ރޭވުމަކުން ކަމަށް، އިބުރޭ ތުހުމަތުކުރެއްވި އެވެ.
މިރޭގެ ގައުމީ މަޖިލީހުގައި އެމްޑީޕީން ނިންމީ މި މަހު 17ގައި ބާއްވާ އެއްވުން ވަކި މުއްދަތެއް ނެތި ފަސްކުރުމުގެ އިތުރުން، އެއްވުން ބާއްވާނެ ތާރީހާއި ތަނާއި ވަގުތު ޕާޓީގެ ލީޑާޝިޕުން ނިންމާ ގޮތަށެވެ.
އެމްޑީޕީގެ އެއްވުން ފަސްކުރަން ނިންމިއިރު މި ސަރުކާރުން އަންނަނީ އަންނަ ހުކުރު ދުވަހުގެ ރޭ މާލޭގައި ބޮޑު ޖަލްސާއެއް ބޭއްވުމަށް ތައްޔާރުވަމުން ނެވެ.
އިތުރަށް ކިޔާލަން: ސަރުކާރަށް ދެއަހަރުވުމާއި ދިމާކޮށް ޕީއެންސީން ބޮޑު ޖަލްސާއެއް ބީޗުގައި ބާއްވަނީ
