ރާއްޖޭގައި ފުރަތަމަ ފަހަރަށް އައްޔަން ކުރި ފޮރިން ސެކްރެޓަރީގެ މަގާމަށް އިނާޔާ އައްޔަނުކުރީ ޑިސެމްބަރު 12، 2023 ގައެވެ. އެ މަގާމަށް އޭނާ އައްޔަނުކުރީ ސްޓޭޓް މިނިސްޓަރުންގެ ފެންވަރުގައެވެ.
އެހެންނަމަވެސް ހާރިޖީ ދާއިރާގައި ގިނަ އަހަރުތަކެއް ވަންދެން ހިދުމަތްކުރެއްވި އިނާޔާ، އޭގެ ދޮޅު އަހަރެއްހާ ދުވަސް ފަހުން، މިދިޔަ މެއި މަހު ކުއްލި ގޮތަކަށް އެ މަގާމުން އޭނާ އިސްތިއުފާދެއްވިއެވެ. އެހެންނަމަވެސް އެ މަގާމުން އޭނާ އިސްތިއުފާދެއްވި ސަބަބެއް ސަރުކާރުން ހާމައެއް ނުކުރެއެވެ.
އެނގިފައިވާ ގޮތުގައި ރައީސް ޑރ. މުހައްމަދު މުއިއްޒު، ފޮރިން ސެކްރެޓަރީއަކަށް އިނާޔާ އަލުން އައްޔަންކުރީ މިދިޔަ އަންގާރަ ދުވަހުއެވެ. އިނާޔާ އަލުން އެ މަގާމަށް ހަމަޖެއްސުމާއި ހަމައަށް އެ މަގާމަށް އެހެން ބޭފުޅަކު އައްޔަންކޮށްފައެއްނުވެ އެވެ.
