ގިނަ ބަޔެއްގެ ހިތްތަކުގައި ބިރުވެރިކަން އުފެއްދި އެ މަންޒަރަކީ އޭނާއަށް ލިބުނު ވަރަށް އުނދަގޫ އަދި ނުބައި ތަޖުރިބާއެއްކަން އޭނާ ވަނީ ފާހަގަކޮށްފައެވެ.
ފިލްމުގެ އެންމެ މަޝްހޫރު އެއް މަންޒަރު ކަމަށްވާ ޕްރޮމް ނައިޓްގައި ކެރީގެ ގަޔަށް ލޭ އޮއްސާލާ މަންޒަރު ޝޫޓްކުރުމުގެ ތަފްސީލުތައް ހިއްސާކުރަމުން ސްޕޭސެކް ބުންޏެވެ. އެ މަންޒަރަށް ބޭނުންކޮށްފައިވަނީ ހަގީގީ ލެޔެއް ނޫން ކަމަށާއި، އެއީ ކޯން ސިރަޕްއާއި ކާ އެއްޗިއްސަށް ކުލަ ޖައްސާ އެއްޗެއް ބޭނުންކޮށްގެން ތައްޔާރުކުރި އެއްޗެއް ކަމަށެވެ. އެހެންނަމަވެސް، އެ ތަތްތެޅޭ އެއްޗިހި ގައިގައި ހޭކިފައި ހުރުމަކީ އޭނާއަށް ލިބުނު "ވަރަށް ނުބައި" އަދި އުނދަގޫ ތަޖުރިބާއެއް ކަމަށް އޭނާ ސިފަކުރިއެވެ.
ފިލްމު ޝޫޓްކުރުމުގެ ތެރޭގައި އެފަދަ އުނދަގޫތަކަކާ ކުރިމަތިލާން ޖެހުނު ނަމަވެސް، "ކެރީ" އަކީ ސިނަމާގެ ތާރީހުގައި ހޮރޯ ފިލްމުތަކަށް އާ އުސްމިނެއް ގެނެސްދިން ފިލްމެކެވެ. އަދި ސްޕޭސެކްގެ އެ މޮޅު އެކްޓިންގް އާއި، ހާއްސަކޮށް ލެއިން ތަތްތެޅިފައިވާ މަންޒަރުން ފެނިގެންދާ އޭނާގެ ހުނަރަކީ މިއަދުވެސް ގިނަ ބަޔަކު ސިފަކުރާ ފާހަގަކޮށްލެވޭ މަންޒަރެކެވެ.
