މި ޓީޒާއިން ފެނިގެންދަނީ މެރީލް ސްޓްރީޕް އަދާކުރާ މިރާންޑާ ޕްރީސްޓްލީ އާއި އޭން ހެތަވޭ އަދާކުރާ އެންޑީ ސެކްސް އަލުން ސްކްރީނަށް އަންނަ ތަނެވެ. ނަމަވެސް މިފަހަރު އެންމެ ބޮޑު ސަމާލުކަމެއް ދަމައިގަތީ އެ ދެ ތަރިންގެ ދެމެދުގައި އޮތް ގުޅުމަށް އައިސްފައިވާ ބޮޑު ބަދަލެވެ.
ފުރަތަމަ ފިލްމުގައި އެންޑީ ފެނިގެން ދިޔައީ މިރާންޑާގެ އެސިސްޓެންޓެއްގެ ގޮތުގަ އެވެ. ނަމަވެސް އާ ފިލްމުގެ ޓީޒާއިން ދޭހަވާ ގޮތުގައި، އެންޑީ އަކީ މިހާރު ހަމައެކަނި އެސިސްޓެންޓެއް ނޫނެވެ. އޭގެ ބަދަލުގައި، އޭނާ ފެނިގެންދަނީ މިރާންޑާއާ އެއް ހަމައެއްގައި މަސައްކަތްކުރާ ޕާޓްނަރެއްގެ ގޮތުގަ އެވެ. މިއީ ފުރަތަމަ ފިލްމު ބެލި ފަރާތްތަކަށް މުޅިން އާ ތަޖުރިބާއަކަށް ވެގެންދާނެ ކަމެކެވެ. ސަބަބަކީ، ފުރަތަމަ ފިލްމުގައި ދެ ަތުގެ ދެމެދުގައި އޮތް ހަރުކަށި އިދާރީ ގުޅުން މިހާރު އެއްގެ ގުޅުމަކަށް ބަދަލުވެފައި ވުމެވެ.
މި ފިލްމު ވެގެންދާނީ ފެޝަން އާއި ސިނަމާގެ ދުނިޔެއަށް ލޯބިކުރާ ގިނަ ބަޔަކު ވެގެން ކުރަމުން އަންނަ ފިލްމަކަށެވެ. "ދަ ޑެވިލް ވެއާސް ޕްރާޑާ 2" ސިނަމާތަކަށް އަންނާނެ ކަމަށް އިއުލާންކޮށްފައި ވަނީ މޭ 1، 2026 ގަ އެވެ. މި ދެ ތަރިން 20 އަހަރަށް ފަހު އެކުގައި ސްކްރީނުން ފެނިގެންދާއިރު، އެމީހުންގެ އާ ގުޅުން ފެނިގެންދާނެ ގޮތެއް ބަލާލުމަށް ގިނަ ބަޔަކު ތިބީ އެވެ.
