އެ ގޮތުން މިހާރު އަސާސީ ކާބޯތަކެތިކަމަށް ކަނޑައަޅާފައިވާ ކާބޯތަކެތި ފަަސޭހަ ކަމާއި އެކު ފޯރިކޮށްދިނުމުގެ ގޮތުން ނޯތް ހާބަރު ކައިރީގައި ހޯލްސޭލް ފިހާރައެއް މިހާރު ހުޅުވަން ތައްޔާރު ކުރެވިފައިވާ ކަމަށާއި އަދި އިންޑަޓްރިއަލް ވިލެޖު ސަރަހައްދުގައި މި ތަކެތި ބެހެއްޓޭ ގޮތަށް ގުދަންވެސް ތައްޔާރުކުރުވިފައިވާ ކަމަށް ސިމާދް ވިދާޅުވި އެވެ.
އަދި މީގެ އިތުރުން އެޗްޑީސީ އާއި ގުޅިގެން ހުޅުމާލޭގައި ދިރިއުޅޭ ފަރާތަކަށް ހާއްސަކޮށްގެން ފިހާރައެއް އެންމެ ލަސްވެގެން ފެބްރުއަރީ ފުރަތަމަ ހަފްތާތެރޭގައި ހުޅުވިގެން ދާނެ ކަމަށް ސިމާދް ފާހަގަ ކުރެއްވި އެވެ.
އެންމެ ބޮޑު ކާމިޔާބީ އަކަށް ދެކެނީ މި ކުރިމަތިވި ދަތިތަކާއި އެކުވެސް ދިވެހި ރައްޔިތުންނައް އެކަމާއި ގުޅިގެން އެއްވެސް ކަހަލަ ގެއްލުމެއް ނުދީ އެންމެ އެކަށީގެންވާ ކުޑަ އަގުތަކެއްގައި ހިދުމަތް ފޯރުކޮށްދިނުން ކަމަށް ސިމާދު ފާހަގަ ކުރެއްވި އެވެ.
އެސްޓީއޯ އެންމެ މައިގަނޑު އެއް ބޭނުމަކީ ތަކެތީގެ އަގު ކޮންޓްރޯލް ކޮށްގެން ހިފެހެއްޓުން ކަމަށް ފާހަގަ ކުރައްވަމުން އޭނާ ވިދާޅުވީ އަބަދުވެސް މަސައްކަތް ކުރަމުން ދަނީ ބާޒާރުން މަދުވާ ތަކެތި އަދި އަގު ބޮޑުކުރެވިފައިވާ ތަކެތި އޯޑަރުކޮށްގެން ގެނެސްގެން ރައްޔިތުންނައް އެންމެ އެކަށީގެންވާ ހެޔޮއަގެއްގައި ފޯރުކޮށް ދިނުމަށް ކަމަށެވެ.
ސިމާދް ވިދާޅުވީ އެތެރެ އާއި ބޭރުން ވެސް ވަރަށް ބައިވަރު ޗެލެޖްތަކާއި ފާއިތުވި ދެ އަހަރު ކުރިމަތިލާން ޖެހުން ކަމުގަ އެެވެ.
އެ ގޮތުން ދިވެހި ރާއްޖޭގެ އިގްތިސާދީ ހާލަތާއި، ޕަބްލިކް ފައިނޭންސް އަދި ދަރަނީގެ ހާލަތު ރައީސް ޑރ. މުއިއްޒު ވެރިކަމާއި ހަވާލުވެވަޑައިގެން އިރު އޮތީ ވަރަށް ނާޒުކު ފައްތަރެއްގައި ކަމަށް ސިމާދް ފާހަގަ ކުރެއްވި އެވެ.
