މި އިހްތިޖާޖުގައި މާލޭގައި ހުންނަ ކޯޓްތަކުގެ އިތުރުން ރަށްރަށުގެ މެޖިސްޓްރޭޓް ކޯޓްތައްވެސް އަންނަނީ ބައިވެރިވަމުންނެވެ.
މި ހިމޭން އިހުތިޖާޖުގައި ބައިވެރިވި މާލޭ ކޯޓުތަކުގެ ތެރޭހައި ހައިކޯޓް، ކްރިމިނަލްކޯޓް، ސިވިލް ކޯޓް، ފެމެލީ ކޯޓް އަދި ޖުވައިނަލް ކޯޓް ހިމެނެއެވެ. މީގެ އިތުރުން 27 ރަށެއްގެ މެޖިސްޓްރޭޓް ކޯޓެއްގެ މުވައްޒަފުން މިއަދު އޮފީހަށް ނުކުތީ ކަޅު ހެދުމުގައެވެ.
މުސާރަ ކުޑަކަމަށް ބުނެ ކްރިމިނަލް ކޯޓުގެ މުވައްޒަފުން ކަޅު ހެދުމުގައި މިއަދު އޮފީހަށް ނުކުމެ
އެނގިފައިވާ ގޮތުގައި ޖުޑިޝަރީ ދާއިރާގައި މަސައްކަތްކުރާ މުވައްޒަފުން ދަނީ މިއަދު ރައީސް އޮފީހަށް ޕެޓިޝަނެއް ވެސް ހުށަހަޅަން ތައްޔާރުވަމުންނެވެ.
ޖުޑިޝަރީ ދާއިރާގެ މުވައްޒަފުންގެ މުސާރަ ކުޑަވެފައިވާ ކަމަށް ބުނެ މިއަދު އިހްތިޖާޖު ކުރާއިރު މުސާރަތަކަށް ގެނައި ބަދަލުން އެ ދާއިރާގެ މުވައްޒަފުންގެ މުސާރަ ކުޑަ ނުވާނެކަމަށް ނޭޝަނަލް ޕޭ ކޮމިޝަނުން ވަނީ ބުނެފައެވެ. އެ ކޮމިޝަނުން ބުނީ ޖުޑިޝަރީ ދާއިރާގެ މުވައްޒަފުންނަށް ބައެއް އެލަވަންސްތައްވެސް ހަމަޖައްސާފައިވާކަމަށެވެ.
