"ގަދަކޮށް" ގެ ނަމުގައި އާޒިމްގެ ކެމްޕެއިން ހަރަކާތް ފެށީ މިމަހުގެ 20 ގައި އާޓިފިޝަލް ބީޗު ސަރަހައްދުންނެވެ. މިއަދު ފައްޔާޒު ވަނީ، އަލީ އާޒިމާއި ޕާޓީގެ ބައެއް މެންބަރުންނާ ބައްދަލުކުރައްވައި އޭނާގެ ތާއީދު ފާޅުކުރައްވައިފަ އެވެ.
ފައްޔާޒުގެ އިތުރުން ކުރީގެ ރައީސް މުހައްމަދު ނަޝީދު ވެސް ވަނީ އަލީ އާޒިމަށް ތާއީދުކުރައްވާކަން ހާމަކުރައްވާފަ އެވެ.
އަލީ އާޒިމްގެ އިތުރުން މޭޔަރުކަމަށް އެމްޑީޕީން ވާދަކުރައްވަން ދެން ކެމްޕެއިން ކުރައްވަމުން ގެންދަވަނީ މިހާރު ވެސް މޭޔަރު ކަމުގައި ހުންނެވި އާދަމް އާޒިމް އެވެ. ފާހަގަކޮށްލެވޭ ގޮތުގައި ކުރީގެ ރައީސް އިބްރާހިމް މުހައްމަދު ސޯލިހުގެ އަރިސް ބޭފުޅުން ތިއްބެވީ އާދަމް އާޒިމަށް ތާއީދުކުރައްވައިގެންނެވެ.
މޭޔަރުކަމުގެ ކެމްޕެއިން ދެ އާޒިމް ފެއްޓެވިއިރު، އެ މަގާމަށް ސަރުކާރުގެ ފަރާތުން ކުރިމަތިލައްވާނެ ބޭފުޅަކު ވެސް އަދި ނޭނގެ އެވެ. ކައުންސިލުގައި މިހާރު ވެސް އޮތީ، ވެރިކަން ކުރާ ޕީއެންސީގެ މެޖޯރިޓީ އެވެ.
