މިއީ ސަރުކާރުން ބިން ދޫކުރުމުގައި ކޮރަޕްޝަނަށް މަގުފަހިވާ ގޮތަށް ކޮށްފައިވާ ކަންތައްތަކާ ގުޅިގެން އަޅާ ފިޔަވަޅުތަކުގެ ތެރެއިން އެޅޭ އެންމެ ފުރަތަމަ ފިޔަވަޅު ކަމަށް އެ ކައުންސިލަރުން ބުނެ އެވެ.
ސައިފް އަދި ނާޒިމާ ފޮނުވި ސިޓީގައި ހަތަރު މުހިންމު ކަމެއް ފާހަގަކޮށްފައިވާ އިރު އެ ގޮތުން މި ދިޔަ ޖޫން މަހުގެ 14 ވަނަ ދުވަހު ކައުންސިލް ހިންގުމުގެ ގަވާއިދަށް ގެނައި އިސްލާހުގެ ފަހުން، އާންމު ޖަލްސާއެއްގެ ތެރެއިން ފާސްކުރުމެއް ނެތި ދޫކޮށްފައި ހުރި ބިމެއް ވަގުތު އަތުލުގެ މައްސަލައާއި މާލޭ ބިންތަކުގެ ދަފްތަރުގެ މައުލޫމާތު އާންމުކުރެވުން އިރު އޭގައި ހުރި މައުލޫމާތުތައް އެހެން ބަޔެއް ލިޔުންތަކާއި ފުށުއަރާ ކަންކަން އިސްލާހުކުރުމަށްވެސް އެދިފައިވެ އެވެ.
މާލޭގެ ބިންތައް ދޫކޮށްފައިވާ ފަރާތްތަކުގެ މައްޗަށް ކޮންޓްރެކްޓުގައި ލާޒިމުކޮށްފައިވާ ކަންކަން ކުރަމުންދާ މިންވަރު ހާމަކުރުމަށާއި އެ ކަންކަން ނުކުރާ ފަރާތްތަކުގެ އަތުން ބިން އަތުލުމުގެ މައްސަލަ އެޖެންޑާ ކޮށްދިނުމަށް ވެސް އެ ސިޓީގައި އެދިފައިވެ އެވެ.
މިކަމާއި ގުޅިގެން ސައިފް ވިދާޅުވެފައިވަނީ އެއްވެސް ބިމެއް ކޮންޓްރެކްޓެއް އޮތުމުގެ ސަބަބުން ކަމަށް ބުނެ ބޭނުން ނުކުރެވި އޮތުމަކީ ބަލައިގަނެވޭނެ ކަމެއް ނޫން ކަމަށާއި ރައްޔިތުންގެ ހައްގުތަކަށް އަރައިގަތުން އެއީ އެގޮތަކަށްވެސް ކޮށްގެންވާނެ ކަމެއް ނޫން ކަމުގަ އެވެ.
މިކަން މި ގޮތަށް ކުރެވުމާއި އެކު މާލޭގެ އަގު ބޮޑު ބިންތައް ނުއަގުގައި ކުރީގެ ސަރުކާރުތަކުން ދޫކޮށްފައި މައްސަލަތަކަށް ހައްލެއް ގެންނަން ފަސޭހަ ވާނެ ކަމަށް ގިނަ ބަޔަކު ދެކެ އެވެ.
މިފަދަ ފިޔަވަޅެއް އެޅުމުން ވޭތުވެދިޔަ ސަރުކާރުތަކުގައި ސިޔާސީ ނުފޫޒުން މާލޭގެ އަގުބޮޑު ބިންތައް ވަކި ބަޔަކަށް ދޫކޮށްފައިވާ މައްސަލަތަކަށް ހައްލެއް ގެނެވިދާނެކަމަށް ސިޔާސީ ދާއިރާގެ ފަރާތްތަކުން ދެކެ އެވެ. ހާއްސަކޮށް ރައްޔިތުންގެ ހައްގުތަކަށް އުނިކަން ލިބޭގޮތަށް ދޫކޮށްފައިވާ ބިންތަކުގެ އެއްބަސްވުންތައް އުވާލުމަކީ މިހާރުގެ ސަރުކާރުން ކުރަން ޖެހިފައިވާ ކަމެއްކަމަށް ބެލެ ވެއެވެ.
