މި ފޮޓޯތަކުން މަންރޯ އާއި އޭނާގެ މަންމައާ ހުރި ބޮޑު ވައްތަރުކަން ފެނި، ގިނަ ބަޔަކު އަންނަނީ އެކަމަށް ތައުރީފު ކުރަމުންނެވެ.
މަންރޯ ހިއްސާކުރި ސެލްފީތަކުގައި އޭނާގެ މޫނުމަތީގެ ސިފަތަކާއި، އިސްތަށިގަނޑު އަދި ގެންގުޅޭ ސްޓައިލް ހުރީ މަރައިޔާ ކެރީއާ ވަރަށް އެއްގޮތަށެވެ. މިކަމާ ގުޅިގެން ސަޕޯޓަރުން ބުނަމުން ދަނީ މަންރޯއަށް އޭނާގެ މަންމަގެ ރީތިކަން ވާރުތަވެފައިވާ ކަމަށެވެ. އަދި އޭނާގެ ފަރާތުން މަރައިޔާގެ ޒުވާން ދުވަސްވަރުގެ ސިފަތައް ފެންނަ ކަމަށް ވެސް ގިނަ ބަޔަކު ފާހަގަކުރެ އެވެ.
މަރައިޔާ ކެރީ އާދި ދަރިފުޅު މަންރޯ
މި ފޮޓޯތަކާ އެކު މަންރޯ ވަނީ އޭނާގެ އާއިލާއާ ގުޅޭގޮތުން ވެސް ވާހަކަ ދައްކާފަ އެވެ. އިންސްޓަގްރާމް ސްޓޯރީގައި މަންރޯ ބުނެފައި ވަނީ އޭނާގެ ހުންނަނީ އެންމެ ބޭބެއެއް ކަމަށާއި އެއީ އެއްމާބަނޑު މޮރޮކަން ކެނަން ކަމަށެވެ. އަދި ބައްޕަ ނިކް ކެނަންގެ އެހެން ކުދިންނަކީ "ހާފް ސިބްލިންގްސް" ކަމަށާއި އެ ކުދިންނަކީ އުމުރުން މާ ހަގު ކުދިންތަކެއް ކަމަށް ބުނެ، އާއިލީ ގުޅުމާ މެދު އޭނާ ދެކޭ ގޮތް ވަނީ ސާފުކޮށްދީފަ އެވެ.
