ދިވެހިރާއްޖޭގައި ހަރަކާތްތެރިވާ އެންމެ ކުދި، ކުދި އަދި މެދުފަންތީގެ ވިޔަފާރިތައް ހޯދަމުންދާ ކާމިޔާބީތައް ފާހަގަކޮށް، އެ ވިޔަފާރިތަކަށް ހިތްވަރު ދިނުމުގެ ގޮތުން، އިކޮނޯމިކްސް މިނިސްޓްރީގެ އިސްނެންގެވުމާއެކު ބިޒްނަސް ސެންޓާ ކޯޕަރޭޝަން (ބީ.ސީ.ސީ)އިން ދިނުމަށް ހަމަޖެހިފައިވާ މޯލްޑިވްސް އެމް.އެސް.އެމް.އީ އެވޯޑްސް 2025 ހަފްލާ ބާއްވަފައިވަނީ ސޯޝަލް ސެންޓާގެ އިންޑޯ ހޯލުގައި އެވެ.
އެވޯޑު ދެވިފައިވަނީ ދެގިންތިއަކު ބަހާލައިގެންނެވެ. އެގޮތުން ފަނޑިޔާރުން ހޮއްވަވާފައިވާ ވިޔަފާރިތަކުގެ ގިންތިއާއި، އާންމުން ވޯޓުލައިގެން ހޮވާފައިވާ މަގްބޫލު ވިޔަފާރިތަކުގެ ގިންތި ހިމެނެ އެވެ.
އެމް.އެސް.އެމް.އީ އެވޯޑްގެ ތެރެއިން
މި އިނާމު ޖުމްލަ 22 ދާއިރާއަކުން 21 ފަރާތަކަށް ލިބިފައިވާ ކަމަށް ބީސީސީން މައުލޫމާތުދެ އެވެ.
ރޭގައި ބޭއްވުން މި ހަފްލާ ޝަރަފްވެރި މެހްމާނެއްގެ ގޮތުގައި ބައިވެރިވެވަޑައިގެންފައިވަނީ ފިނޭންސް މިނިސްޓަރު މޫސާ ޒަމީރު އެވެ. މި ހަފްލާގައި އިކޮނޮމިކްސް މިނިސްޓަރު މުހައްމަދު ސައީދުގެ އިތުރުން ބީސީސީގެ މެނޭޖިން ޑިރެކްޓަރު އިބްރާހިމް ޒިޔާދު މުހައްމަދު އަދި ސަރުކާރު އެކި ކުންފުނިތަކުގެ އިސްވެރިންނާއި އެކި ގައުމުތަކުން ރާއްޖެ އަށް ކަނޑައަޅާފައިވާ ސަފީރުންވެސް ބައިވެރިވެވަޑައިގެންނެވި އެވެ.
ބީސީސީން ބުނީ މިއީ މި ކަހަލަ އެ ވޯޑެއް ދެވުން ފުރަތަމަ ފަހަރު ނަމަވެސް ކުރިޔަށް އޮތްތަނުގައި މި ފަދަ އެވޯޑްތައް ކޮންމެ އަހަރަކުވެސް ދޭނެ ކަމުގަ އެވެ.