މި މައްސަލައިގައި އަމާޒުވި ފާޑުކިޔުންތަކަށް ޖަވާބުދެމުން ނާހިދު ބުނީ، އެ ކޮންސެޕްޓަކީ ޑިޒައިނަރާއި އޭނާ ގުޅިގެން އުފެއްދި ކޮންސެޕްޓެއް ކަމަށެވެ. އަދި ހެދުން ސްޓައިލް ކުރުމާއި ގޮތް ނިންމުމުގައި ޑިޒައިނަރުގެ ޓީމުގެ ފުރިހަމަ ބައިވެރިވުމާއި ރުހުން ލިބިފައިވާ ކަމަށް އޭނާ ފާހަގަކުރިއެވެ. ނަމަވެސް އާންމުންގެ ނުރުހުން އަމާޒުވުމުން، ހަގީގަތް އެނގި ތިބެ ޑިޒައިނަރާއި ފިލްމު ޓީމުން އޭނާ އެކަނިވެރިކޮށްލައި، އެކަމުގެ ޒިންމާއިން ރެކިފައިވާތީ އެކަމާ ހިތާމަކުރާ ކަމަށް ނާހިދު ވަނީ ބުނެފައެވެ.

މި މައްސަލައިގައި ލިލީ މޫވީން ނެރުނު ބަޔާން އަދި ސޯޝަލް މީޑިއާގައި ބައެއް މީހުން ފާޑުކިއުން

ނާހިދު އިތުރަށް ބުނި ގޮތުގައި އޭނާ ލައިގެން ހުރީ އަންހެން ހެދުމެއް ނޫނެވެ. އެއީ ދިވެހި ރަސްރަސްކަލުންގެ ޒަމާނުގައި ދެކުނު އޭޝިއާގެ ސަގާފަތުގެ ނުފޫޒު ދިވެހި ފިރިހެނުންގެ ހެދުން އެޅުމުގައި އޮތް މިންވަރު ދައްކުވައިދޭ، ސަގާފީ ކަންކަމުން އިންސްޕަޔާވެގެން ފަރުމާކޮށްފައިވާ "ކުރުތާ" އެކެވެ. އަދި އެއީ ވަކި ޖިންސެއްގެ މީހުން ހެދުން އަޅާ ގޮތް ނުވަތަ "ކްރޮސް ޑްރެސިން" ޕްރޮމޯޓުކުރުން ނޫން ކަމަށާއި، އެއްވެސް "އެޖެންޑާ" އެއް ފެތުރުމުގެ ނިޔަތެއް ނެތް ކަމަށް ވެސް އޭނާ ބުންޏެވެ.

މިކަމާ ގުޅިގެން "ލިލީ" ގެ ޕްރޮޑަކްޝަން ޓީމުން މީގެ ކުރިން ނެރުނު ބަޔާނުގައި ބުނެފައި ވަނީ އެ ހެދުމަކީ އެ އިވެންޓުގެ ޑްރެސް ކޯޑާ ހިލާފު ހެދުމެއް ކަމަށާއި އެއީ އެ މީހުންގެ ޓީމާ ގުޅުން ހުރި ކަމެއް ނޫން ކަމަށެވެ. އަދި މިކަމާ ގުޅިގެން ރައީސް ޑރ. މުހައްމަދު މުއިއްޒު ވެސް ވަނީ ދިވެހި ސަގާފަތާ ނުގުޅޭ ކަންކަން ބަލައިނުގަނެވޭނެ ކަމަށް ވިދާޅުވެފައެވެ. ފާތިމާ އަށް ސަރުކާރުގެ އިދާރާއަކުން އެވޯޑު ދިނުމާއި، މޮޑެލްގެ މި ވާހަކަތަކާ އެކު މި މައްސަލައިގެ ބަހުސް ވަނީ އިތުރަށް ހޫނުވެފައެވެ.