ފުލުހުން މިރޭ ބުނީ އެ ރަށުގެ ގެއެއްގައި ހަށި ވިއްކާ ކަމަށް ލިބުނު މައުލޫމާތަކާ ގުޅިގެން ރޭ 11:30 ހާއިރު ހިންގި އޮޕަރޭޝަނުގައި އެ ގެ ބަލައި ފާސްކުރި ކަމަށެވެ.
ފުލުހުންގެ ބެލުމުގެ ދަށަށް ގެނައީ ފިރިހެންމީހާގެ އުމުރަކީ 52 އެވެ. ތައިލެންޑުގެ އަންހެންމީހާގެ އުމުރަކީ 39 ކަމަށް ފުލުހުން ބުންޏެވެ.
ފުލުހުން ބުނި ގޮތުގައި، އެ ދެ މީހުން އަތުލައިގަތީ ބަދުއަޚުލާގީ އަމަލު ހިންގަން ތިއްބާ ކުށުގެ ވެށިންނެވެ.
އެ ދެ މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ފިރިހެން މީހާ ކަފާލާތުގެ ދަށުން ދޫކޮށްލިއިރު، އަންހެން މީހާގެ ބަންދަށް ހަތަރު ދުވަސް ޖަހާފައިވާ ކަމަށް، ކޯޓާ ހަވާލާދީ ފުލުހުން ބުންޏެވެ.
ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.
